မိခင်ရဲ့သားအိမ်ထဲကို ဘက်တီးရီးယားပိုးများ ဝင်ရောက်ခြင်းကြောင့်
သားငယ်လေးတွေဟာ မိခင်ရဲ့သားအိမ်ထဲမှာရှိနေစဉ်တုန်းကတည်းက
ရောဂါရနေခဲ့တဲ့အပြင် အချိန်အကြာကြီးမွေးရခက်နေခြင်း၊ ပြုစု
စောင့်ရှောက်မှုညံ့တဲ့အတွက်ကြောင့်မိခင်မှာ အာဟာရချို့တဲ့ခြင်း၊
မိခင်မှာသန်ကောင်ရောဂါစွဲကပ်နေခြင်းစတဲ့ အခြေအနေများကြောင့်
သားငယ်လေးတွေဟာမွေးကာစကတည်းက ချူခြာနေတတ်ပါတယ်၊
ဒီလိုအခြေအနေမျိုးတွေကြောင့် သားငယ်လေးတွေဟာ ပြင်ပလောက
ကို ရောက်လာပြီးသိပ်မကြာခင်မှာပဲ ပတ်ဝန်းကျင်ရဲ့ အပူချိန်နဲ့
လိုက်လျှောညီထွေဖြစ်အောင်ထိမ်းညှိမှုမပြုနိုင်ခြင်းကိုစတင်ကြုံတွေ့
ကြပါတယ်။
အဲဒီလိုအခြေအနေမျိုးမှာ သားငယ်လေးတွေဟာခုခံအားအလွန်အမင်း
ကျဆင်းနေတဲ့အတွက် ပတ်ဝန်းကျင်မှာအသင့်ရှိနေတဲ့ဘက်တီးရီးယား
ရောဂါပိုးတွေရဲ့ ဒုက္ခပေးခြင်းကိုချက်ချင်းခံကြရပြီး ဝမ်းလျှောခြင်း၊
အဆုပ်ယောင်ခြင်း၊ အဖျားဝင်လာ ခြင်းတို့ဆက်တိုက်ဖြစ်လာကြပြီး
အချိန်တိုတိုအတွင်း မှာပဲ သေဆုံးသွားတတ်ကြပါတယ်။
အဲဒီလိုအချိန်မျိုးမှာဝင်ရောက်ဒုက္ခပေးတတ်တဲ့ဘက်တီးရီးယားရောဂါ
ပိုးတွေကတော့မျိုးစုံဖြစ်နေတတ်ပြီး များသောအားဖြင့် Streptococcus
canis ရောဂါပိုးကိုအများဆုံးတွေ့ရှိရပြီး Staphylococcus aureus နဲ့
Escherichia coli စတဲ့ရောဂါပိုးတွေကို့ဒုတိယအများဆုံးတွေ့ရတယ်
လို့ဆိုပါတယ်။
ဘက်တီးရီးယားပိုးတွေအပြင် herpesvirus ဗိုင်းရပ်ပိုးကလည်း
မွေးကင်းစခွေးငယ်လေးများသေဆုံးရတဲ့အကြောင်းရင်းတစ်ခုဖြစ်နေတာ
ကိုတွေ့ရတယ်လို့ဆိုပါတယ်။
မွေးကာစခွေးပေါက်စလေးတွေမှာအဲဒီလိုရောဂါပိုးတွေဝင်ရောက်
ဒုက္ခပေးခြင်းခံရတဲ့အခါခွေးငယ်လေးတွေဟာအဖျားဝင်လာပြီး
အသက်ရှူကျပ်မောဟိုက်လာတတ်ပါတယ်၊ ထင်ရှားတဲ့ပြင်ပလက္ခဏာ
အနေနဲ့ချမ်းတုန်နေတတ်ပြီးတဖြည်းဖြည်းအားအင်ချည့်နဲ့လာကြပြီး
ချက်ချင်းဆိုသလိုသွေးပေါင်ကျလာတဲ့အတွက်နှလုံးခုန်နှုန်းအလွန်မြန်
လာတာကိုတွေ့ရနိုင်ပါတယ် ၊ ခွေးငယ်လေးတွေဟာသိပ်မကြာခင်မှာပဲ
သေဆုံးသွားတတ်ကြပါတယ်။
အဲလိုဖြစ်နေတဲ့ခွေးငယ်လေးတွေကို အထူးကြပ်မတ်ကုသပေးဖို့လိုအပ်
ပါတယ်၊သွေးပေါင်တက်စေတဲ့ဆေးများထိုးနှံပေးခြင်း ဓာတ်ဆားရည်
ပုလင်းကြီးချိတ်ပေးခြင်း၊ ပဋိဇီဝဆေးများထိုးနှံပေးခြင်းတို့ကို အချိန်နဲ့
တပြေးညီဆောင်ရွက်ပေးရပါတယ်၊အစာမစားနိုင်သေးရင်အာဟာရဖြစ်
စေမယ့်နို့ရည်တုတွေက်ုအစာအိမ်ပိုက်နဲ့တိုက်ရိုက်ထည့်သွင်းပေးရ
တာမျိုးလည်းပြုလုပ်ပေးရပါတယ်၊
ဒီလို ပါပီအဖျားရောဂါ(Puppies septicemia) ဖြစ်နေတဲ့ခွေးပေါက်စ
လေးတွေကို အချိန်မီစနစ်တကျကုသပေးနိုင်မှသာ အသက်ရှင်နိုင်မှာ
ဖြစ်ပြီး များသောအားဖြင့်သေဆုံးသွားတတ်ကြပါတယ်။
