Cryptococcus neoformans လို့ခေါ်တဲ့မှိုရောဂါပိုးကြောင့်ဖြစ်ပွားခြင်းဖြစ်ပြီး
C. grubii နဲ့ C. gattii ဆိုပြီးရောဂါပိုးအမျိုးအစားနှစ်မျိုးရှိပါတယ် ဒီရောဂါပိုးကိုလေနဲ့
အတူရှုမိလို့ဖြစ်ရတာပါ နှာခေါင်းထဲမှာစတင်ဖြစ်ပွားပြီး တခါတရံနှာခေါင်းထဲကနေ
ဦးနှောက်ထဲအထိရောက်သွားတတ်တဲ့ရောဂါပိုးဖြစ်ပါတယ် ခုခံအားကျရောဂါနဲ့
လူကေးမီးယားရောဂါတွေဖြစ်တဲ့ကြောင်တွေကိုသွေးစစ်ကြည့်တဲ့အခါ ဒီရောဂါပိုးကို
ပူးတွဲပြီးတွေ့ရတတ်တဲ့အတွက် ဂရုပြုသင့်တဲ့ပိုးလည်းဖြစ်ပါတယ် လေနဲ့အတူ
ဒီရောဂါပိုးကိုရှုမိလို့ နှာခေါင်းထဲကိုရောက်လာရင်နှာစေးပြီးနှာရည်ကျလာတတ်
ပါတယ် ၊ မကြာခဏနှာချေနေတာကိုတွေ့ရနိုင်ပါတယ် ၊ နှာရည်ကျတာကနှာခေါင်း
တစ်ဖက်တည်းကဖြစ်စေ နှစ်ဖက်လုံးကဖြစ်စေကျနေတတ်ပါတယ် ၊ ရောဂါရင့်လာ
ရင်တော့ နှာခေါင်းအတွင်းလှိုဏ်ထဲမှာအဖုအကြိတ်တွေပေါ်လာတတ်ပါတယ် ၊
ရောဂါပိုးဟာမျက်စေ့ထဲကိုရောက်သွားရင်မျက်စေ့အမြင်လွှာနဲ့အတူမျက်စေ့အာရုံကြော
တွေကိုထိခိုက်ပျက်စီး စေတဲ့အတွက် အမြင်အာရုံထိခိုက်လာတတ်ပါတယ် ၊ မျက်လုံးဟာ
ပြူးထွက်လာတာမျိုးလည်းဖြစ်တတ်ပါတယ်၊ရောဂါပိုးကဦးနှောက်ထဲကိုရောက်သွားရင်
ဟန်ချက်မထိမ်းနိုင်ပဲ လမ်းလျှောက်တဲ့အခါမူမမှန်ပဲပတ်ခြာလည် နေတတ်ပါတယ် ၊
အနံ့မသိတာမျိုးလည်းဖြစ်လာတတ်ပါတယ် ၊ တဖြည်းဖြည်းနဲ့သွေးအားနည်းလာတဲ့
အတွက် မျက်လုံးအတွင်းသားတွေကိုဖြဲကြည့်ရင် ဖြူဖတ်ဖြူရော်ဖြစ်နေတတ်ပါတယ် ၊
သွေးအားတိုးဆေးတွေဘယ်လောက်ပေးပေး သွေးအားကတက်မလာနိုင်တာကတော့
ဒီရောဂါရဲ့ ထူးခြားချက် တစ်ခုလို့တောင်ပြောနိုင်ပါတယ်၊ဒီရောဂါဖြစ်တာသေချာရင်
Ketoconazole, Itraconazole, နဲ့ Fluconazole စတဲ့စားဆေးတွေနဲ့ကုသပေးနိုင်ပါ
တယ် ၊ Ketoconazole စားဆေးကတော့ စျေးသက်သာပေမယ့် အစားအသောက်ပျက်
တာ ၊ အော့အန်တာ ၊ ဝမ်းပျက်ပြီးပိန်ချုံးသွားတာစတဲ့ ဘေးထွက်ဆိုးကျိုးတွေရှိတတ်
တဲ့အပြင် ဆေးတိုက်တာကြာလာရင် မျက်စေ့မှာအတွင်းတိမ်စွဲတာမျိုး ဘေးထွက်
ဆိုးကျိုးတွေဖြစ်လာပါတယ် ၊ ဒါကြောင့်မို့ Itraconazole, နဲ့ Fluconazole စားဆေးကို
တိုက်ကျွေးနိုင်ရင်ပိုကောင်းပါတယ် ၊ Fluconazole စားဆေးဟာဦးနှောက်ထဲကိုမြန်မြန်
ရောက်နိုင်တဲ့အားသာချက်ရှိတာကြောင့် ဦးနှောက်ထဲကို ရောဂါပိုးရောက်နေတဲ့အခြေ
အနေမျိုးမှာအသုံးပြုသင့်တဲ့ဆေးဖြစ်ပါတယ် ဘယ်ဆေးကိုအသုံးပြုသည်ဖြစ်စေ
ဘေးထွက်ဆိုးကျိုးဖြစ်ပေါ်မှုကိုချင့်ချိန်ပြီး (၂)လလောက်အထိ ရက်မပျက်အောင်ဆေး
တိုက်ဖို့လိုအပ်ပါတယ်။
