ဒီရောဂါကတော့ကြောင်တွေရဲ့သွေးနီဥတွေကိုပျက်စီးစေတဲ့ရောဂါဖြစ်ပါတယ်၊သွေးအား
အလွန်အမင်းနည်း သွားစေနိုင်တဲ့အတွက် ပိန်ချုံးချည့်နဲ့လာပြီးအမြဲလိုလို မောဟိုက်နေ
တတ်တဲ့အထိရောဂါပြင်းထန်နိုင်ပါတယ်၊
များသောအားဖြင့်ရောဂါဖြစ်ပွားတဲ့ကြောင်တွေရဲ့(၃၀)ရာခိုင်နှုန်းဟာ သေဆုံးသွားတတ်
ပါတယ်။ ဒီရောဂါကိုဖြစ်ပွားစေတဲ့ပိုး (၂) ရှိပါတယ် ၊ အဲဒီပိုးတွေကတော့
(၁) Cytauxzoon felis နဲ့
(၂) Mycoplasma haemophilus တို့ဖြစ်ပါတယ်
ဒီရောဂါကူးစက်ပုံကတော့ Cytauxzoon felis ပိုးကတော့ ရောဂါပိုးသယ်ဆောင်ထားတဲ့မွှားတွေ
ကိုက်တာခံရတဲ့အခါမှာ ကြောင်တွေမှဒီရောဂါဖြစ်ပွားလာပါတယ်၊
Mycoplasma haemophilus ရောဂါပိုးကျတော့ သွေးနီဥတွေရဲ့ အတွင်းမှာနေတဲ့ ကပ်ပါးပိုးဖြစ်တာ
ကြောင့် ၊ ကြောင်အချင်းချင်းကိုက်တဲ့အခါမှာသာကူးစက်စေနိုင်ပါတယ် ၊ကြောင်တွေမှာတော့
အချင်းချင်းကိုက်ကြတဲ့အခါ ဒီ Mycoplasma haemophilus ပိုးဝင်သွားပြီးကူးစက်တာကပိုများလေ့
ရှိပါတယ် ..။
ခန္တာကိုယ်ထဲကိုရောဂါပိုးတွေ ဝင်ရောက်လာတာနဲ့ ကြောင်ရဲ့ခုခံအားစံနစ်ကအပြင်းအထန်
စတင်တိုက်ခိုက် ကြပါတယ်၊ အဲဒီအခါမှာ… ရောဂါပိုးခိုအောင်းနေတဲ့သွေးဥလေးတွေကိုပါ
အတိုက်ခိုက်ခံရပြီးပျက်စီးသွားရ ပါတယ်.. ပြင်ပကနေဆေးဝါးအကူအညီနဲ့မကုသပဲထားတဲ့
ကြောင်တွေရဲ့ (၃၀) ရာခိုင်နှုန်းကတော့ သေဆုံးသွားတတ်ပါတယ် ၊ မသေပဲကျန်နေတဲ့
ကြောင်တွေဟာ ရောဂါပိုးသယ်ဆောင်ထားတတ်ကြပြီး ရောဂါကိုဆက်လက် ကူးစက်အောင်
ဖြန့်ဖြူးနိုင်တဲ့ Carrier ကောင်တွေအဖြစ်နဲ့ ဆက်လက်အသက်ရှင်နေတတ်ကြပါတယ်။
ဒီရောဂါကကြောင်တွေမှာအသက်အရွယ်မရွေးဖြစ်ပွားနိုင်ပါတယ် ၊ရောဂါရှိနေတဲ့ကြောင်မကြီးက
သားငယ်ကို ပေါက်ပြဲအောင်ကိုက်မိရင်လည်း သားငယ်လေးတွေမှာရောဂါကူးစက်ဖြစ်ပွားစေ
ပါတယ် ။
ဒီရောဂါရလာတဲ့ကြောင်ဟာအစာမစားပဲမှိုင်နေတတ်ပြီး နာတာရှည်အဖျားရှိနေတတ်ပါတယ်
တစ်ချို့ကြောင် တွေမှာ Jaundice လို့ခေါ်တဲ့ မျက်လုံးဝါတာနဲ့ ဆီးဝါတာမျိုးကိုတွေ့ရပါတယ်
၊ကြောင်ဟာအားအင်ချည့်နဲ့ ပြီးတော့ တဖြည်းဖြည်းပိန်ချုံးလာတတ်တဲ့အပြင် ၊အသက်ရှုတာမြန်
ပြီး အမြဲလိုလို မောဟိုက်နေတတ်ပါတယ်၊ Cytauxzoon felis ပိုးကြောင့်ဖြစ်တာဆိုရင်တော့
အသက်အန္တရာယ်နဲ့ပိုနီးပါတယ်။
ဒီရောဂါလို့ထင်တဲ့ကြောင်ကို သွေးဖောက်ယူပြီးကိုသွေးနီဥပါဝင်မှုအရည်အတွက်ကိုမှန်ပြားပေါ်မှာ
စစ်ဆေး ကြည့်ရင်သွေးနီဥပါဝင်မှုပမာဏအလွန်နည်းနေတာကိုတွေ့ရပါတယ်၊
ရိုးတွင်းချင်ဆီကိုစစ်ဆေး ကြည့်ရင်တော့ ဘယ်ရောဂါပိုးကြောင့်ဖြစ်ပွား နေတယ်ဆိုတာကို
ခွဲခြားသိနိုင်ပါတယ်။
Cytauxzoon felis ရောဂါပိုးကြောင့်ဖြစ်တာဆိုရင်
ရောဂါစတင်ဖြစ်တာနဲ့ Imidocarb
dipropionate နဲ့ Diminazene aceturate ဆေးနဲ့ချက်ချင်းကုသပေးရပါမယ်၊ ကုသတာနောက်ကျ
ရင်တော့ အသက်အန္တရာယ်ရှိ နိုင်ပါတယ် ၊
ရောဂါအခြေအနေဆိုးတဲ့ကြောင်တွေကို အသက်ကယ်နိုင်ဖို့အတွက် ၊ သွေးသွင်းကုသပေးခြင်း
ကိုလည်းတစ်ပြိုင်နက်တည်း ဆောင်ရွက်ပေးရမှာဖြစ်ပါတယ်၊ သွေးစစ်တဲ့အဖြေအရ Mycoplasma
haemophilus ရောဂါပိုးကြောင့်ဖြစ်တာဆိုရင်တော့ Doxycycline နဲ့ Enrofloxacin ဆေးတွေနဲ့
ကုသပေးရပါတယ်။
