ဒီရောဂါကတော့ Toxoplasma gondii လိုခေါ်တဲ့ coccidia ကပ်ပါးပိုးလေးတွေ
ကြောင့်ဖြစ်ပွားတဲ့ရောဂါဖြစ်ပါတယ် ၊ ဒီကပ်ပါပိုးလေးတွေဟာ ပရိုတိုဇွားရောဂါပိုးအုပ်စု
တစ်မျိုးဖြစ်ပါတယ်။
ရောဂါရရှိပုံကတော့ Oocyst လို့ခေါ်တဲ့ Toxoplasma gondii ကပ်ပါပိုး သန္ဒေသားလောင်း
လေးတွေကို အစာနဲ့အတူရောပြီးစားမိလို့ဖြစ်ပါတယ်
ဒီကပ်ပါးပိုးလေးတွေဟာနို့တိုက်သတ္တဝါတွေဖြစ်တဲ့နွားတို့ဝက်တို့ရဲ့ခန္တာကိုယ်ထဲမှာလည်း
ရှိနေနိုင်ပါတယ်
ဒါပေမယ့် နွားတို့ ဝက်တို့ကိုတော့ဘာမှဒုက္ခမပေးပါဘူးရောဂါပိုးပါတဲ့အသားကိုစားမိတဲ့
ခွေးတွေကြောင်တွေသာ ရောဂါဖြစ်တာဖြစ်ပါတယ်
ရောဂါဖြစ်တာကကြောင်တွေမှာပိုများပါတယ်ရောဂါပိုးရှိတဲ့မိခင်ကြောင်မကြီးကိုယ်ဝန်
ဆောင်တဲ့အခါဗိုက်ထဲကကလေးငယ်တွေကိုအချင်းတိုင်ကနေရောဂါကူးစက်နိုင်ပါတယ်
အဲဒီအခါမှာ ကလေးအသေမွေးတတ်ပါတယ်ဒီရောဂါရှိတဲ့ကြောင်တွေဟာ ပိန်ချုံးလာပြီး
မောဟိုက်နေတတ်
ပါတယ်တခါတရံဝမ်းပျက်တာမျိုးဖြစ်ပြီးလမ်းလျှောက်ရင်ယိုင်တိယိုင်တိုင်ဖြစ်နေတတ်ပါ
တယ်မျက်စေ့လည်းနာတတ်ပါတယ် စနစ်တကျကုသမပေးလို့ ရောဂါရင့်လာရင်အသက်ရှု
ကျပ်လာရာကနေ နောက်ဆုံးမှာ အကြောဆွဲပြီးသေဆုံးတတ်ပါတယ်။
ဒီရောဂါရှိတဲ့ခွေးတွေမှာကျတော့ အသက်ရှုကျပ်ပြီးဖျားမယ် အထက်လှန်အောက်လျှော
လည်းဖြစ်လေ့ရှိပါတယ် မကြာခဏအကြောဆွဲပြီး လေဖြတ်သွားတာမျိုးလည်းဖြစ်တတ်
ပါတယ် ၊
ရောဂါဖြစ်တဲ့ခွေးကြောင်တွေကို Clindamycin တိုက်ဆေးထိုးဆေးတွေနဲ့ ထိရောက်စွာ
ကုသပေးနိုင်ပါတယ်၊ ရောဂါဖြစ်တဲ့ခွေးတွေကိုဆိုရင် Clindamycin ဆေးကို ခန္တာကိုယ်
အလေးချိန် (၁)ကီလိုဂရမ်ရှိတိုင်း(၂၀)မီလီဂရမ်နှုန်းနဲ့ နေ့စဉ်(၂)ကြိမ်တိုက်ရပါမယ်
ကုသမှုကို (၂)ပါတ်တိတိကုသပေးရပါတယ်ထိုးဆေးထိုးပေးလို့လည်းရပါတယ်
ရောဂါဖြစ်တဲ့ကြောင်တွေကိုဆိုရင် Clindamycin ဆေးကို ခန္တာကိုယ်အလေးချိန်
(၁)ကီလိုဂရမ်ရှိတိုင်း(၁၀)မီလီဂရမ်နှုန်းနဲ့ နေ့စဉ်(၂)ကြိမ်တိုက်ရပါမယ် ကုသမှုကို
(၃)ပါတ်တိတိကုသပေးရပါတယ်၊ ကြောင်တွေမှာတော့ ထိုးဆေးထိုးတာကအန္တရာယ်
များပါတယ် ထိုးဆေးကြောင့်သေဆုံးတတ်တဲ့အတွက် တိုက်ဆေးနဲ့သာကုသတာက
ပိုကောင်းပါတယ်။
ဒီကပ်ပါးပိုးလေးတွေဟာ ရောဂါရှိတဲ့ကြောင်ရဲ့မစင်ထဲမှာပါလာတတ်ပါတယ် ၊ ကိုယ်ဝန်ရှိ
တဲ့မိန်းမတွေအနေနဲ့ရောဂါပိုးရှိတဲ့ကြောင်ရဲ့မစင်ကို ကိုင်တွယ်ခြင်းမပြုသင့်ပါဘူး
အခန့်မသင့်ရင်အဲဒီကနေတဆင့် လူကိုကူးစက်တတ်တဲ့ရောဂါတစ်မျိုးဖြစ်ပါတယ်။
