ခွေးတွေရဲ့သဘာဝအရ ထိတ်လန့်ကြောက်ရွံ့တဲ့အခါမျိုးမှာ နှာရည်ထွက်တတ်ပေမယ့် နှာခြေလေ့
မရှိပါဘူး အကြောက်ပြေသွားတဲ့အခါ နှာရည်ထွက်တာလည်း ပြန်ရပ်သွားလေ့ရှိပါတယ်၊ နှာရည်
ထွက်နေတာက နာရီပေါင်းများစွာကြာသည်အထိ ရပ်မသွားဘူးဆိုရင်တော့ရောဂါတစ်ခုခုရဲ့နိမိတ်
လက္ခဏာတစ်ခုခုဖြစ်ဖို့များတယ် ဆိုတာကိုသိထားသင့်ပါတယ်။
နှာခေါင်းကိုယားယံစေတတ်တဲ့ဗိုင်းရပ်ရောဂါတွေမှာ ထွက်ကျလာတဲ့နှာရည်ဟာကျဲနေတတ်ပြီး
မှိုရောဂါနဲ့ ဘက်တီးရီယားပိုးကြောင့်ဖြစ်ပွားတဲ့ ရောဂါတွေမှာဆိုရင်၊ ထွက်ကျလာတဲ့နှာရည်ဟာ
ပျစ်တွဲနေတတ်ပါတယ်။
အကယ်၍ နှာခေါင်းတစ်ဖက်တည်းကနေနှာရည်တွေကျနေတာမျိုးဆိုရင်တော့ နှာခေါင်းထဲကို
ပြင်ပက ပစ္စည်းတစ်ခုခုဝင်နေတာမျိုးနဲ့ နှာခေါင်းထဲမှာအကြိတ်တည်းနေတာမျိုးတွေဖြစ်တတ်
ပါတယ်။
ခွေးတွေမှာနှာရည်ကျတတ်တဲ့အခြေအနေအမျိုးမျိုးနဲ့နှာရည်ကျတတ်တဲ့ရောဂါအချို့ကိုအောက်မှာ
စုစည်းဖော်ပြအပ်ပါတယ်။
ဗိုင်းရပ်ရောဂါများ
- ခွေးတုတ်ကွေးရောဂါ (ချောင်းဆိုး-ဖျား-အဝါရောင်နှာရည်)
- ခွေးကျောက်ရောဂါ (ဖျား-မျက်ရည်ကျ-ချောင်းခြောက်ဆိုး-သွားကြိတ်)
ဘက်တီးရီးယားရောဂါများ
- Pneumonia -အဆုတ်ပွရောဂါ (ချောင်းဆိုး-ဖျား-အသက်ရှူမြန်)
မှိုရောဂါများ
- Aspergillus အမျိုးအစားရောဂါပိုးများဝင်ရောက်ခြင်း
- Rhinosporidium အမျိုးအစားရောဂါပိုးများဝင်ရောက်ခြင်း
- Penicillium spp: အမျိုးအစားရောဂါပိုးများဝင်ရောက်ခြင်း
ကပ်ပါးရောဂါများ
- နှာခေါင်းအတွင်း၌Pneumonyssus caninum အမျိုးအစားလှေးကောင်များတွယ်ကပ်နေခြင်း
- Eucoleus boehmi အမျိုးအစားရောဂါပိုးများဝင်ရောက်ခြင်း
- Cuterebra spp: အမျိုးအစားရောဂါပိုးများဝင်ရောက်ခြင်း
အခြားအခြေအနေများ
- Oral-nasal fistula(နှာခေါင်နှင့်ပါးစပ်တို အပေါက်ဖြစ်၍ဆက်နေခြင်း)
- Allergic rhinitis (ယားယံစေသောအရာများနှာခေါင်းအတွင်းသို့ဝင်ရောက်ခြင်း)
- Rhinitis and sinusitis (နှာခေါင်းအတွင်းနံရံများယောင်ယမ်းခြင်း)
