«««« အထူးသတိပြုပါ »»»»
မိမိ၏ခွေးကြောင်များအား ကြိုတင်ကာကွယ်ဆေးများ အချိန်မှန်ထိုးနှံပေးရန်အမြဲသတိပြုပါ. . .

29 Aug 2017

ဝမ်းအမည်းရောင်သွားခြင်း(Zollinger-Elloson syndrome in cats)

Posted By AYPC , အခ်ိန္ 20:10

ဒီရောဂါလက္ခဏာမျိုးဖြစ်စေတတ်တဲ့အကြောင်းရင်းကတော့မျိုးစုံရှိနိုင်ပါတယ် အဲဒီအကြောင်းရင်းတွေအနက် အစာချေဟိုမုန်းထွက်ရှိမှု အလွန်များနေခြင်းကြောင့်လည်း ဖြစ်တတ်ပါတယ် ၊ အူလမ်းကြောင်းရဲ့အစပိုင်းနေရာမှာရှိပြီး သရက်ရွက်လို့ခေါ်ကြတဲ့ ပန်ကရိယဂလင်းမှာအကြိတ်တည်နေတဲ့အခါမျိုးမှာ ပန်ကရိယဂလင်းကနေအစာချေရည် တွေ ထွက်လာအောင်လှုံဆွပေးနိုင်တဲ့ ဟိုမုန်းတွေအများကြီးထုတ်ပေးတတ်ပါတယ်

အဲဒီလိုအစာချေဟိုမုန်းတွေအများကြီးထွက်လာတဲ့အတွက်ကြောင့် အစာအိမ်ထဲမှာ အစာချေ ရည်တွေဟာ လိုအပ်တာထက်အများကြီးပိုပြီးထွက်လာပါတော့တယ် အဲလိုများပြားလာတဲ့ အစာချေရည်တွေဟာ အစာအိမ်နဲ့ အူလမ်းကြောင်းအစပိုင်းက အတွင်းနံရံတွေကို ချေဖျက်ပစ်ကြတဲ့အတွက် အနာခွက်တွေဖြစ်လာစေပါတယ်

အဲဒီအနာတွေဟာ တဖြည်းဖြည်းနဲ့ပိုဆိုးလာပြီး  အတွင်းနံရံကသွေးကြောတွေအထိ ရောက်သွားတဲ့အခါ သွေးကြောလေးတွေပေါက်ထွက်ပြီး အမြဲမပြတ်သွေးယိုစိမ့်မှုဖြစ်လာ ပါတယ် အဲဒီအခါမှာဝမ်းထဲမှာသွေးတွေပါလာပါတော့တယ် သွေးတွေဟာ အစာချေရည်နဲ့ ထိတွေမိတဲ့အခါဓာတ်ပြုမှုဖြစ်ပြီးအမည်းရောင်ပြောင်းသွားတတ်တဲ့အတွက် သွားတဲ့ဝမ်းဟာ အမည်းရောင်ဖြစ်နေတတ်ပါတယ်

ဒီလိုဖြစ်နေတဲ့ ကြောင်ဟာ လန်းဆန်းတက်ကြွမှုမရှိတော့တဲ့အပြင် တဖြည်းဖြည်းနဲ့ပိန်ချုံးလာ တတ်ပါတယ် ဗိုက်နာတဲ့လက္ခဏာကိုမကြာခဏပြသနေတတ်ပြီး မျက်လုံးအတွင်းသား တွေကိုလှန်ကြည့်ရင် ဖြူဖတ်ဖြူရော်ဖြစ်နေတာကိုတွေ့ရနိုင်ပါတယ်

အဲဒီအခါမှာသွေးကိုဖောက်ယူပြီး အစာချေဟိုမုန်းတွေပါဝင်နေခြင်းရှိမရှိစစ်ဆေးကြည့်ခြင်း အားဖြင့်   ဒီဝေဒနာဟုတ်မဟုတ်ကိုခွဲခြားသိရှိနိုင်ပါတယ်

ဤအဲဒီလိုအခြေအနေမျိုးဖြစ်နေတဲ့ကြောင်ကို ဆေးကုသတဲ့အခါ Nizatidine စားဆေးကို ကြောင်ရဲ့ ခန္တာကိုယ် အလေးချိန်(၁)ကီလိုရှိလေတိုင်း(၂)မီလီဂရမ်နှုန်း နဲ့ တွက်ချက်ပြီး တစ်နေ့လျှင်(၁)ကြိမ် တိုက်ကျွေးပေးနိုင်ပါတယ်။
categories

0 မှတ်ချက်များ to “ဝမ်းအမည်းရောင်သွားခြင်း(Zollinger-Elloson syndrome in cats)”

Post a Comment

Subscribe to: Post Comments (Atom)