ခွေးတွေကို အသက်အန္တရာယ်ပေးနိုင်တဲ့နောက်ထပ်အဖြစ်အများဆုံးရောဂါတစ်မျိုးက
တော့ Canine Distemper လို့ခေါ်တဲ့ ခွေးကျောက်ရောဂါဖြစ်ပါတယ်ဒီရောဂါလည်း
ဗိုင်းရပ်ကြောင့်ဖြစ်တဲ့ရောဂါပါပဲဒီရောဂါဟာအလွန်ကူးစက်မြန်တဲ့ရောဂါတစ်မျိုးဖြစ်
ပါတယ်။
ဒီရောဂါဖြစ်လာရင်အပြင်းဖျားတတ်ပါတယ်ဖြစ်ကာစမှာမျက်စေ့နာပြီး နှာရည်တစ်ရွှဲရွှဲ
ကျလာတတ်ပါတယ်၊ရောဂါရင့်လာရင် ဝမ်းပျက်တာတို့ အကြောဆွဲပြီးတက်တာတို့
တွေ့ရတတ်ပါတယ်တစ်ချို့ခွေး တွေမှာဆိုရင် လေဖြတ်သလိုဖြစ်ပြီးမထနိုင်ဖြစ်နေတတ်
ပါတယ် ပေါင်တွင်းပိုင်းကအရေပြားတွေမှာနှမ်းစေ့လောက်အနီရောင်အစက်အပြောက်တွေ
တွေ့ရင် ခွေးကျောက်ရောဂါဖြစ်နေတာသေချာသလောက်ပါပဲ။
ခွေးကျောက်ရောဂါကာကွယ်ဆေးထိုးရင် အမေရိကန်ပညာရှင်များရဲ့အယူအဆအရ(၃)ကြိမ်
ထိုးထားမှ သာကာကွယ်မှုအဆင့်ကိုရရှိမှာဖြစ်တယ်လို့ဆိုပါတယ်။
ကာကွယ်ဆေးကိုခွေးအသက်တစ်လခွဲသားအရွယ်မှာစတင်ထိုးနှံနိုင်ပါတယ်။
ပထမအကြိမ်ထိုးနှံပြီး(၁၄)ရက်မြောက်မှာဒုတိယအကြိမ်ထိုးနှံပေးရမှာဖြစ်ပါတယ်။
ဒုတိယအကြိမ်ထိုးနှံပြီး(၁၄)ရက်မြောက်မှာတတိယအကြိမ်ထိုးနှံပေးရမှာဖြစ်ပါတယ်။
အဲဒီတတိယအကြိမ်ထိုးနှံတဲ့ရက်ကိုတော့သေသေချာချာမှတ်သားထားဖို့လိုပါတယ်။
နှစ်စဉ်အဲဒီရက်ရောက်တိုင်းမပျက်မကွက်ဆက်လက်ထိုးနှံပေးသွားဖို့လိုအပ်ပါတယ်။
ထိုင်းနိုင်ငံမှပညာရှင်များကတော့(၂)ကြိမ်ထိုးနှံဖို့သာအကြံပြုကြပါတယ်
