မိမိရဲ့ခွေးကြောင်တွေ ပိုးသတ်ဆေးအဆိပ်သင့်တဲ့အခါမှာ အဆင့်အလိုက်ဆောင်ရွက်ရမယ့်အချက်
တွေကိုမှန်မှန်ကန်ကန်ဆောင်ရွက်နိုင်မှသာအသက်ကိုကယ်တင်နိုင်မှာဖြစ်တဲ့အတွက်အချိန်မဆိုင်း
ပဲစနစ်တကျ ပြုစုပေးနိုင်ဖို့အလွန်အရေးကြီးပါတယ်။
အဲဒီအချက်တွေကတော့ခွေးကြောင်တွေရဲ့ခန္တာကိုယ်အရေပြားပေါ်ကိုပိုးသတ်ဆေးတွေထိမိတာ
ဆိုရင် ကြမ်းကြမ်းတမ်းတမ်းကုတ်ခြစ်ပြီး ပွတ်တိုက်ဆေးကြောတာမျိုးမလုပ်သင့်ပါဘူး၊
အခန်းအပူချိန်လောက်သာအေးတဲ့ရိုးရိုးရေပေါပေါနဲ့လောင်းပြီးဆပ်ပြာနဲ့ညင်ညင်သာသာပွတ်တိုက်
ဆေးကြောပေးသင့်ပါတယ်။
ပိုးသတ်ဆေးအဆိပ်ပါဝင်တဲ့အစာကိုစားမိတဲ့အခါမျိုးဆိုရင်တော့
(၁) အစာအိမ်အူလမ်းကြောင်းအတွင်းက အန်ထုတ်ပစ်လို့ရနိုင်သေးတဲ့နေရာတွေမှာ ရှိနေသေးတဲ့
အဆိပ်တွေကို အန်ထုတ်ပစ်အောင်ပြုလုပ်ပေးခြင်း
ပိုးသတ်ဆေးပါတဲ့အစာတစ်ခုခုကိုစားမိပြီဆိုတာသိလျှင်သိချင်းအန်ဆေးတစ်မျိုးမျိုးကို(၂)နာရီခြား
တိုက်ကျွေးပေးရပါမယ် ထိခိုက်ရှနာတွေကိုဆေးကြောသုပ်သင်တဲ့အခါ အသုံးပြုရတဲ့ ဟိုက်ဒြိုဂျင်
ပါရောက်ဆိုက်ဆေးရည်ဟာအန်ဆေးအဖြစ်အသုံးပြုလို့ရတဲ့ဆေးရည်ဖြစ်ပါတယ်။
ပိုးသတ်ဆေးပါတဲ့အစာတစ်ခုခုကိုစားမိပြီဆိုတာသိလျှင်သိချင်းဟိုက်ဒြိုဂျင်ပါရောက်ဆိုက်ဆေးရည်
ကို လ္ဘက်စားဇွန်းနဲ့(၂)ဇွန်းခန့်တိုက်ကျွေးလိုက်ရင် ချက်ချင်းအန်ထုတ်ပစ်ပါလိမ့်ယ် ၊ အဲဒီဆေးရည်
အလွယ်တကူ မရှိတဲ့အခါမျိုးမှာ အိမ်သုံးဆားကိုရေနွေးနဲ့ဖျော်ပြီးတိုက်ရင်လည်းအန်စေနိုင်ပါတယ်၊
အဲဒီလိုတိုက်ပြီးတစ်မိနစ်လောက်အကြာမှာခြေထောက်နှစ်ဖက်ကနေကိုင်ပြီးဇောက်ထိုးတွဲလျှောင်း
ကိုင် ပေးထားလိုက်ရင် စားမိထားသမျှအရာတွေအားလုံးကို ပြန်အန်ထုတ်ပစ်မှာဖြစ်ပါတယ်။
အကယ်၍အဆိပ်မိနေတဲ့မိမိရဲ့ခွေးကြောင်ဟာမေ့မြောနေတဲ့အဆင့်ကိုရောက်နေရင်တော့အန်ဆေး
ကို မတိုက်သင့်ပါဘူး ဆေးခန်းမှာအသက်ရှူစက်နဲ့အောက်ဆီဂျင်ပေးထားပြီးမှ လိုအပ်သလိုကုသ
ရမှာဖြစ်ပါတယ်။
(၂) အစာအိမ်အူလမ်းကြောင်းအတွင်းရောက်နေတဲ့အဆိပ်တွေကို ခန္တာကိုယ်ကစုပ်ယူလို့ မရနိုင်
အောင် တားဆီးပေးခြင်း။
အဆိပ်တွေကိုအူလမ်းကြောင်းကနေစုပ်ယူမသွားနိုင်အောင်ဆိုရင်အလှဆီ(Glycerin)ကိုတိုက်ကျွေး
ပေးနိုင် ပါတယ် ၊အလှဆီအလွယ်တကူမရှိရင်တော့ကြက်ဥအကာရည်ကိုနွားနို့နဲ့ဖျော်ပြီးတိုက်ကျွေး
နိုင်ပါတယ်။
(၃) အစာအိမ်အူလမ်းကြောင်းထဲကနေ အန်ထုတ်ပစ်လို့မရနိုင်တော့တဲ့နေရာတွေကိုရောက်သွားပြီ
ဖြစ်တဲ့ အဆိပ်တွေကို မစင်ထဲကနေစွန့်ထုတ်ပစ်နိုင်အောင်ပြုလုပ်ပေးခြင်း။
အစာအိမ်အူလမ်းကြောင်းရဲ့နောက်ပိုင်းအထိရောက်နေတဲ့အဆိပ်တွေကိုတော့ အူခေါင်းထဲမှာတင်
စုပ်ယူထိမ်းသိမ်းထားပြီး ဝမ်းသွားတဲ့အခါကျမှ ဝမ်းနဲ့အတူပါသွားအောင် ဆေးမီးသွေးလို့ခေါ်တဲ့
Activated Charcoal အမှုန့်ကိုရေနဲ့ခပ်ပြစ်ပြစ်ဖျော်ပြီးတိုက်ကျွေးပေးနိုင်ပါတယ် ၊ဆေးခန်းတွေမှာ
ဆိုရင်တော့ အစာအိမ်ပိုက်နဲ့ထည့်သွင်းပေးနိုင်ပါတယ်၊ သုံးရမယ့်ပမာဏကတော့ ဝင်သွားတဲ့
အဆိပ်ပမာဏနဲ့(၁၀)ဆရှိတဲ့ပမာဏကိုထည့်သွင်းပေးရမှာဖြစ်ပါတယ်၊ဒီအမှုန့်ထည့်သွင်းပေးပြီးတဲ့
နောက် (၃၀)မိနစ်အကြာမှာ ပုံမှန်ဆားရည်ထည့်သွင်းပြီးပြန်လည်စုပ်ထုတ်ပစ်ပြီး ဆေးမှုန့်ကို
နောက်တစ်ကြိမ် ထပ်သွင်းပေးရပါတယ်၊ Activated Charcoal ကိုခန္တာကိုယ်က မစုပ်
ယူနိုင်တဲ့အပြင် အဆိပ်တွေကို စုပ်ယူထိမ်းသိမ်းထားနိုင်တဲ့အတွက်ကြောင့် ဝမ်းသွားတဲ့ အခါ
အပြင်ကိုပါလာမှာဖြစ်ပါတယ် ဆေးမီးသွေး Activated Charcoal အမှုန့်ကိုခန္တာကိုယ်အလေးချိန်
(၁ )ကီလိုဂရမ်ရှိလေတိုင်း (၁-၂)ဂရမ်နှုန်းနဲ့တွက်ချက်ပြီး ပါးစပ်ကနေထည့်သွင်းပေးရမှာ ဖြစ်ပါ
တယ်။
(၄) ခန္တာကိုယ်အတွင်းစုပ်ယူဝင်ရောက်သွားပြီဖြစ်တဲ့အဆိပ်တွေကိုပြယ်သွားအောင်ဖြေဆေးထိုး
ခြင်းနဲ့
အဆိပ်တွေကြောင့်ဖြစ်ပေါ်လာတဲ့ပြသနာတွေကိုကုသဖို့ကိုတော့တိရစ္ဆာန်ရောဂါကုဆရာဝန်က
လိုအပ်သလို ဆက်လက်ဆောင်ရွက်ပေးမှာဖြစ်ပါတယ်- ကြည့် > အဆိပ်ဖြေဆေးများ
