အိမ်မွေးကြောင်တစ်ကောင်ကိုလှပစေတဲ့အမွှေးအမျှင်တွေဟာ အမြဲတန်းရှည်ထွက်နေကြတာ
မဟုတ်ပဲ အမွှေးအမျှင်တွေရှည်ထွက်ပုံ မှာကာလအပိုင်းအခြား(၃)မျိုးရှိပြီး ၊အဲဒီကာလတွေဟာ
လည်းအချိန်အတိအကျဖြစ်ပေါ်နေတာဖြစ်ပါတယ် အမွှေးအမျှင်ရှည်ထွက်ပုံမှာ- -
(၁) အလျှင်အမြန်ရှည်ထွက်နေတဲ့ကာလ
(၂) တဖြည်းဖြည်းချင်းသာရှည်ထွက်တဲ့ကာလနဲ့
(၃) ရှည်ထွက်ခြင်းရပ်ဆိုင်းနေတဲ့ကာလဆိုပြီး ကာလ(၃)မျိုးရှိပါတယ်
ရှည်ထွက်ခြင်းရပ်ဆိုင်းနေတဲ့ကာလတစ်ခုပြီးဆုံးသွားတဲ့အခါ ကြောင်တွေဟာသူတို့ရဲ့အမွှေးအမျှင်
တွေ အဟောင်းတွေကိုကျွတ်ကျစေပြီး အမွှေးအမျှင်အသစ်တွေပြန်လည်အစားထိုး ထွက်ပေါ်လာ
ပြီး မူလတိုင်းအဆင့်အလိုက်ပြန်လည်ပြောင်းလဲနေတာဖြစ်ပါတယ် ။
ကြောင်တွေရဲ့ အမွှေးအမျှင်တွေပြောင်းလဲခြင်းအကြောင်းလေ့လာတဲ့အခါ ထူးခြားတဲ့ကြောင်
အမျိုးအစားတွေကိုလည်း တွေ့ရှိရပါသေးတယ် ၊ Peterbald ကြောင်မျိုးနဲ့ Sphynx လိုကြောင်
မျိုးတွေမှာကျတော့ သူတို့ရဲ့မူလဗီဇအရအမွှေးအမျှင်မရှိပဲပြောင်ချောနေတဲ့အတွက်အဲဒီကြောင်မျိုး
တွေမှာတော့ အမွှေးအမျှင်တွေပြောင်းလဲခြင်းကိုထူးထူးခြားခြားတွေ့ရလေ့မရှိပါဘူး
အမဟိုမုန်းလွန်ကဲနေတဲ့ကြောင်တွေမှာ အမွှေးအမျှင်ပါးနေတတ်ပြီး သိုင်းရွှိုက်ဟိုမုန်းချို့တဲ့နေတဲ့
ကြောင်တွေမှာ အမွှေးအမျှင်ပေါက်ရောက်မှုကို အဟန့်အတားဖြစ်စေပါတယ် ၊ အချုပ်ဆိုရရင်
ကျန်းမာရေးချို့တဲ့ခြင်း ၊ ခန္ထာကိုယ်အတွင်းမှာရှိနေတဲ့ဟိုမုန်းဓာတ်အချိုးအစားမညီမျှခြင်း
ဗီတာမင်ဓာတ်ချို့တဲ့ခြင်းနဲ့ ကပ်ပါးရောဂါများစွဲကပ်နေခြင်းစတဲ့အခြေအနေမျိုးတွေမှာသာ
အမွှေးအမျှင်တွေကောင်းစွာဖွံ့ဖြိုးလာနိုင်ခြင်းမရှိတဲ့အတွက် ကြောင်တွေရဲ့အလှအပကိုလျှော့နည်း
စေနိုင်ပါတယ် ၊ ဒီလိုအခြေအနေမျိုးတွေကိုပြန်လည်ကုစားနိုင်ဖို့အတွက် တိရစ္ဆာန်ရောဂါကု
ဆရာဝန်နဲ့တိုင်ပင်ပြီးအဖြေရှာကာပြုပြင်ပေးနိုင်ပါတယ်။
ကြောင်တစ်ကောင်ရဲ့အမွှေးအမျှင်တွေသေသပ်လှပနေဖို့ဆိုတာက အထက်မှာဖော်ပြခဲ့သလို
အာဟာရပြည့်ဝတဲ့အစားအသောက် ၊ ခန္ထာကိုယ် အတွင်းမှာရှိနေတဲ့ဟိုမုန်းဓာတ်အချိုးအစား ၊
ကပ်ပါးရောဂါကင်းရှင်းမှုနဲ့ ကျန်းမာရေးဆိုင်ရာအချက်တွေကောင်းမွန်ပြည့်စုံရမယ့်အပြင်
Grooming လို့ခေါ်တဲ့ အမွှေးအမျှင်ဆိုင်ရာအလှပြင်ပေးခြင်းကိုလည်း အချိန်မှန်ဆောင်ရွက်ပေး
ဖို့လိုအပ်ပါတယ် ၊ ဆိုင်မှာသွားပြီး Grooming လုပ်မပေးနိုင်ရင်လည်း တိရစ္ဆာန်သုံး Grooming
Comb ခေါင်းဖီးလေးနဲ့ အချိန်မှန်ပွတ်တိုက်ဖီးသင်ပေးခြင်းအားဖြင့်လည်း အမြဲတန်းလှပနေတဲ့
ကြောင်ကလေးတစ်ကောင်ကိုပိုင်ဆိုင်မွေးမြူထားနိုင်မှာဖြစ်ပါတယ်။ ကြည့် ထိမ်းသိမ်းနည်း
အချိန်မတိုင်မီအမွှေးအမျှင်တွေကျွတ်ပြီး ကြောင်တွေရဲ့အလှအပကိုထိခိုက်စေတဲ့အကြောင်းရင်း
တွေများစွာရှိပါသေးတယ် ဗဟုသုတအဖြစ် လေ့လာလိုပါက လင့်ကိုနှိပ်ပါ Link
