(DHPP)နဲ့(DHPPL)လို့ခေါ် တဲ့လေးမျိုးစပငါးမျိုးစပ်ကာကွယ်ဆေးဆိုတာကတော့
D=Canine Distemper (ခွေးကျောက်ရောဂါ)
H=Infectious CanineHepatitis(ခွေးအသည်းယောင်ရောဂါ)
P=Canine Parvovirus(ခွေးသွေးဝမ်းရောဂါ)
P=Canine influenza(ခွေးတုတ်ကွေးရောဂါ)နဲ့
L=Leptospirosis စတဲ့ရောဂါတွေကို တစ်ပြိုင်နက်တည်းကာကွယ်ပေးနိုင်တဲ့ကာကွယ်ဆေး
ဖြစ်ပါတယ်။
(DHPP)နဲ့(DHPPL)ကာကွယ်ဆေးထိုးနှံမှုပုံစံဟာနိုင်ငံအလိုက် တိရစ္ဆာန်ဆေးပညာဆိုင်ရာအဖွဲ့
အစည်းများအလိုက် အကြံပြုချက်အမျိုးမျိုးကွဲလွဲမှုရှိတာကိုတွေ့ရပါတယ်
အမေရိကန်တိရစ္ဆာန်ရောဂါကုဆရာဝန်များအသင်းမှ အကြံပြုထားတဲ့စနစ်ကိုတင်ပြရရင်
- ခွေးအသက်(၆-၈)ပတ်သားမှာ ပထမအကြိမ်
- ခွေးအသက်(၉-၁၁)ပတ်သားမှာ ဒုတိယအကြိမ်
- ခွေးအသက်(၁၂-၁၄)ပတ်သားမှာတတိယအကြိမ်ထိုးနှံဖို့အကြံပြုပါတယ်
တတိယအကြိမ်မြောက်ထိုးနှံတဲ့နေ့ကနေတစ်နှစ်ပြည့်မြောက်တိုင်းနှစ်စဉ်ထိုးနှံဖို့အကြံပြုထား
တယ်
(၃)နှစ်ပြည့်မြောက်တဲ့ရက်ရောက်ပြီးနောက်မှာတော့ နှစ်စဉ်ထိုးနှံခြင်းမပြုတော့ပဲ (၃)နှစ်ခြား
ဆက်လက်ထိုးနှံသွားဖို့ အကြံပြုကြပါတယ်။
အောက်ပါအတိုင်း အလွယ်မှတ်သားနိုင်ပါတယ်
- ခွေးအသက်တစ်လခွဲသားမှာ ပထမအကြိမ်
- ပထမအကြိမ်ထိုးနှံပြီးထိုးနှံပြီး(၂-၃)ပတ်မြောက်မှာ ဒုတိယအကြိမ်
- ဒုတိယအကြိမ် ထိုးနှံပြီး(၂-၃)ပတ်မြောက်မှာတတိယအကြိမ် ထိုးနှံပေးရမှာဖြစ်ပါတယ်
အဲဒီတတိယအကြိမ်ထိုးနှံတဲ့ရက်ကိုတော့သေသေချာချာမှတ်သားထားပြီး
- နှစ်စဉ်အဲဒီရက်ရောက်တိုင်းမပျက်မကွက်(၃)နှစ်တိတိဆက်လက်ထိုးနှံပေးသွားဖို့လိုအပ်ပါတယ်။
- (၃)နှစ်ပြည့်မြောက်ပြီးနောက်မှာတော့နှစ်စဉ်ထိုးနှံခြင်းမပြုတော့ပဲ(၃)နှစ်ခြားဆက်လက်ထိုးနှံ
သွားရမှာဖြစ်ပါတယ်- ကာကွယ်ဆေးအကြောင်းကိုလေ့လာရန် လင့်ကိုနှိပ်ပါ Link
အငယ်စားခွေးမျိုးလေးတွေမှာတော့ ပထမဦးဆုံးအကြိမ်ထိုးနှံခြင်းကိုအသက်(၃)လအရွယ်ရောက်မှ
သာစတင်ထိုးနှံဖို့အကြံပြုထားပါကြောင်းတင်ပြလိုက်ပါတယ်။
ထိုင်းနိုင်ငံမှပညာရှင်များကတော့(၂)ကြိမ်ထိုးနှံဖို့သာအကြံပြုကြပါတယ်။
