နှီးပြားလို အပြားလိုက်ရှိပြီး အဆစ်တွေနဲ့တည်ဆောက်ထား တဲ့သန်ပြားကောင်တွေစွဲကပ်တဲ့
ပြသနာကို အရွယ်ရောက်တဲ့ကြောင်တွေနဲ့ ခွေးတွေမှာတွေ့ရတတ်ပါတယ် ၊ ခွေးတွေမှာ
Dipylidium caninum ဆိုတဲ့သန်ပြားကောင်စွဲကပ်လေ့ရှိပြီး ၊ ကြောင်တွေမှာတော့ Dipylidium
caninum အပြင် Taenia taeniaformis ဆိုတဲ့ သန်ပြားကောင်(၂)မျိုး စွဲကပ်လေ့ရှိပါတယ် ၊
Dipylidium caninum ကတော့ သန်းတို့လှေးတို့ကိုက်ရာကနေ ကူးစက်တတ်ပြီး Taenia
taeniaformis ဆိုတဲ့သန်ပြားကောင်ကတော့ ကြွက်နဲ့၊အသားစိမ်းတွေကိုစားမိလို့ကူးစက်တာ
ဖြစ်ပါတယ်။
သန်ပြားကောင်တွေဟာ ခွေးကြောင်တွေရဲ့အူသိမ်အပိုင်းမှာနေထိုင်ကြပြီး အရွယ်အစားအားဖြင့်
၁-လက္မကနေ ၁-ပေအထိအရွယ်အစားအမျိုးမျိုးရှိတတ်ပါတယ်၊ခွေးကြောင်တွေကိုကူးစက်လာတဲ့
သန်ပြားကောင်တွေဟာ သူတို့ရဲ့ဦးခေါင်းပိုင်းကိုအူရဲ့နံရံထဲထိုးသွင်းတွယ်ချိတ်ပြီး အစာအာဟာရ
တွေကိုစုပ်ယူစားသောက်ရင်း အဆစ်တွေပွားများရှည်ထွက်ကာကြီးထွားလာကြတာဖြစ်ပါတယ်၊
သူတို့ရဲ့ခန္တာကိုယ်မှာရှိနေတဲ့အဆစ်ကလေးတွေတိုင်းမှာဉအိမ်တွေတစ်ခုစီပါရှိပါတယ်၊ဒါကြောင့်မို့
သန်ပြားကောင်စွဲကပ်မှုကိုကုသတဲ့အခါ အူနံရံထဲမှနှစ်ထားတဲ့သူတို့ရဲ့ဦးခေါင်းပိုင်းကိုသုပ်သင်နိုင်မှ
သာ ထိရောက်အောင်မြင်မှာဖြစ်ပါတယ်။
သာမန်သန်ချဆေးတစ်မျိုးကို တိုက်ကျွေးလိုက်တဲ့အခါ သန်ပြားကောင်တွေဟာ၊ လည်ပင်းကနေ
ပြတ်ထွက်သွားပြီး အဆစ်ကလေးတွေပါတဲ့ခန္တာကိုယ်ကြီးသာထွက်ကျလာတာဖြစ်ပါတယ်၊ သူတို့ရဲ့
ဦးခေါင်းပိုင်းက မသေတဲ့အတွက်နောက်တဖန်ပြန်ပြီး အဆစ်တွေဖြစ်ပေါ်ရှည်ထွက်လာနိုင်ကြပါ
တယ်။
သန်ချဆေးတိုက်လိုက်လို့ပြတ်ပြီး ထွက်ကျလာတဲ့အပိုင်းဟာ ချက်ချင်းမသေသေးပဲလှုပ်ရှားသွား
လာနိုင်နေသေးတာကိုတွေ့နိုင်ပါတယ် ၊ တခါတရံကြမ်းပြင်ပေါ်အထိကျမလာသေးပဲ ခွေးကြောင်
တွေရဲ့စအိုမှာတန်းတန်းဖြစ်ပြီးလှုပ်ရှားနေတာကိုလည်းတွေ့ရတတ်ပါတယ်၊ အဲဒီသန်ပြားကောင်
တွေရဲ့အဆစ်တိုင်းမှာ သန်ဉတွေပါတဲ့ဉအိမ်တွေရှိနေတယ်ဆိုတာကိုသတိပြုသင့်ပါတယ်၊
သန်ပြားကောင်တွေဟာမြေကြီးပေါ်ရောက်လာလို့ခြောက်သွေ့သွားတဲ့အခါ ရုတ်တရက်ကြည့်ရန်
ဆန်စေ့လေးတွေနဲ့တူနေတတ်ပါတယ်၊ သန်ပြားကောင်ရဲ့ဉတွေကို ရေတို့အစာတို့နဲ့ရောနှောပြီး
စားမိရင် အခြားခွေးတွေကို ဆက်လက်ကူးစက်နိုင်ပါတယ်။
သန်ပြားကောင်စွဲကပ်နေရင် Praziquantal , fenbendazole နဲ့ espiprantal စတဲ့ဆေးတွေနဲ့
ထိထိရောက်ရောက်သုပ်သင်ပေးနိုင်ပါတယ်၊ သန်ပြားကောင်ကိုကုသတဲ့အခါ စွဲကပ်လာရခြင်းရဲ့
မူလအကြာင်းတရားတွေဖြစ်တဲ့ သန်းတို့၊လှေးတို့ကိုဖယ်ရှားပေးခြင်းနဲ့အတူ အသားစိမ်းကျွေးခြင်း
ကိုလည်းရှောင်ရှားလိုက်ဖို့လိုအပ်ပါတယ်။
