ခွေးချောင်းဆိုးတာ နာတာရှည်လိုဖြစ်နေရင် HISTOPLASMOSIS လို့ခေါ်တဲ့ရောဂါ
ဖြစ်နိုင်ခြေများပါတယ်၊ ဒီရောဂါကတော့Histoplasma capsulatum လို့ခေါ်တဲ့မှိုရောဂါ
ပိုးတစ်မျိုးကြောင့်ဖြစ်ပွားတဲ့ရောဂါဖြစ် ပါတယ် ၊ ဒီရောဂါပိုးတွေဟာ တိရစ္ဆာန်တွေရဲ့
ဆွေးမြေ့နေတဲ့မစင်တွေရှိနေတဲ့မြေကြီးထဲမှာအများကြီးပေါက်ပွားနေတတ်ပါတယ်။
ရောဂါပိုးပါဝင်နေတဲ့အမှုန်အမွှားတွေကို လေနဲ့အတူရှုရှိုက်မိရင်ဖြစ်စေ ရောဂါပိုးပါဝင်
နေတဲ့အမှုန်အမွှားတွေကို အစာနဲ့ရောနှောစားမိရင်ဖြစ်စေဒီရောဂါဖြစ်ပွားစေပါတယ်။
ဒီရောဂါဖြစ်လာရင် အသည်းတို့ သရက်ရွက်တို့စတဲ့ကိုယ်တွင်းအင်္ဂါတွေမှာအဖုအကြိတ်
တွေဖြစ်လာတတ်ပါတယ်။
ဒီရောဂါကြောင့်ပြင်ပမှာ ရောဂါလက္ခဏာရယ်လို့ပြသတာနည်းပေမယ့်တစ်ခါတစ်ရံမှာတော့ပြင်းထန်တဲ့ရောဂါလက္ခဏာတွေဖြစ်လာတတ်ပါတယ်
အဲဒီအခါမျိုးမှာ ကိုယ်အပူချိန်တက်ပြီးဖျားလာတတ်ပါတယ်ချောင်းအရမ်းဆိုးပြီး
အသက်ရှုကြပ်တာ၊နှလုံးခုန်သံပြင်းထန်တာ၊အသက်ရှုတဲ့အသံတွေပုံမမှန်ဖြစ်တာမျိုးတွေ
ဖြစ်လာတတ်ပါတယ်
ဒီရောဂါကိုသေချာချာကုသမှုမရှိရင်တော့ နာတာရှည်ရောဂါပုံသဏ္ဍာန်ပြောင်းသွားပြီးတဖြည်းဖြည်းနဲ့ပိန်ချုံးလာတတ်ပါတယ်၊ခွေးဟာအမြဲတန်းလိုလိုချောင်းဆိုးနေတတ်
ပါတယ် နောက်ပိုင်းမှာတော့ရောဂါပိုးက အူထဲကိုရောက်သွားပြီး အူနံရံတွေထူထဲလာ
ပါတယ်။
ဒီအခါမှာ ဆေးမတိုးတဲ့ဝမ်းပျက်ဝမ်းလျှောတာမျိုးဖြစ်လာတတ်ပါတယ်တစ်ခါတစ်ရံ
သွေးစသွေးနတွေ၊နဲ့အကျိအချွဲတွေပါတဲ့ဝမ်းတွေသွားနေတတ်ပါတယ်။
ဒီရောဂါဖြစ်နေတယ်လို့သံသယရှိလာရင် သွေးကိုစစ်လို့အဖြေမထွက်နိုင်ပါဘူး
ခွေးရဲ့ဝမ်းနမူနာကိုယူပြီး ဓါတ်ခွဲခန်းမှာပိုးပျိုးကြည့်တဲ့နည်းနဲ့ အဖြေရှာကြည့်ရမှာ
ဖြစ်ပါတယ်။
Ultrasonography လို့ခေါ်တဲ့ အာထရာဆောင်းရိုက်ကြည့်ရင်တော့ အသည်းတို့သရက်ရွက်တို့မှာအဖုအကြိတ်တွေကိုတွေ့ရမှာဖြစ်ပါတယ်။
ဒီရောဂါကို အောက်ပါကုထုံးများနဲ့ကုသပေးနိုင်ပါတယ်
(၁) Ketoconazole ထိရောက်မှုတော့နည်းပါတယ်၊ရေရှည်စွဲကုရတဲ့ရောဂါမျိုး
ဖြစ်တာမို့ အကုန်အကျသိပ်မခံနိုင်သူတွေအဖို့သုံးသင့်တဲ့ဆေးဖြစ်ပါတယ်။
(၂) Itraconazole စားဆေးကို (၆)လလောက်စွဲတိုက်ရပါမယ်
(၃) Itraconazole + Amphotericin B (ရောဂါပြင်းထန်တဲ့အခါမှာသုံးပါတယ်)
(၄) Fluconazole ဒီဆေးက Itraconazole စားဆေးလောက်မထိရောက် ပေမယ့်
ရောဂါပိုးကမျက်လုံးထဲတို့ ဦးနှောက်ထဲတို့ရောက်နေတဲ့အခါမျိုးမှာတော့ ဒီကုထုံးက
ပိုပြီးအစွမ်းထက်ပါတယ်။
(၅) Corticosteroids (မှိုရောဂါပိုးတွေကို သုပ်သင်တဲ့အခါမှာ အသုံးပြုရတဲ့ဆေးတွေ
ဟာ ဆေးကိုစတင်ပေးလိုက်ချိန်မှာလည်ပင်းပိုင်းက လေရှုပြွန်တွေကိုယောင်ယမ်းလာစေ
တဲ့အတွက် အသက်ရှုကျပ်လာတတ်ပါတယ်၊ အဲဒီလိုမဖြစ်စေဖို့အတွက် ကုသမှုရဲ့အစပိုင်း
ကာလတွေမှာအထိမ်းဆေးအဖြစ်Corticosteroids တွေကိုတွဲပေးပြီးကုသရပါတယ်။
ဒီဆေးကိုကြာရှည်တော့မပေးရပါဘူး ၊ရေရှည်စွဲပေးမိရင် ဒီဆေးကြောင့်ပဲရောဂါပိုးတွ
ပိုမိုပွားများလာတတ်ပြီးရောဂါရဲ့အခြေအနေဟာပိုဆိုးသွားတတ်ပါတယ်။
ပိုမိုလေ့လာရန် လင့်ကိုနှိပ်ပါ Link
