ကြောင်တွေမှာဒီလိုအခြေအနေမျိုးဖြစ်တာဟာအထီးအမမရွေးဖြစ်တတ်ပေမယ့်၊များသောအားဖြင့်
သင်းကွပ်မထားသေးတဲ့ကြောင်အထီးတွေမှာတွေ့ရတတ်ပါတယ်၊ဒီလိုဖြစ်လာရခြင်းရဲ့အကြောင်းရင်း
ကတော့ ကြောင်သူငယ်နာရောဂါနဲ့ခပ်ဆင်ဆင်ဖြစ်ပါတယ်၊
ကြောင်ရဲ့အမြီးရင်းနေရာရဲ့အပေါ်ပိုင်းကအရေပြားမှာရှိတဲ့ချွေးဂလင်းတွေကနေအဆီတွေအများကြီး
ထွက်နေတဲ့အတွက်ကြောင့် အဲဒီနေရာမှာအညိုရောင်ပျစ်ချွဲချွဲအဆီတွေထွက်နေတာဖြစ်ပါတယ်၊
အဲဒီနေရာမှာရှိတဲ့ချွေးဂလင်းတွေထဲကို ပြင်ပရောဂါပိုးတွေထပ်မံဝင်ရောက်လာရင်တော့
အခြေအနေကပိုဆိုးလာပြီး အနံ့အသက်မကောင်းတဲ့အဆီခဲတွေနဲ့ပေကျံနေတတ်ပါတယ် ၊
ဒီအခြေအနေကိုပြုစုကုသပေးနိုင်ဖို့အတွက်အဲဒီကြောင်ရဲ့အမြီးတစ်ခုလုံးကိုပဋိဇီဝဆေးတစ်မျိုးမျိုး
ပါတဲ့ ရေချိုးဆပ်ပြာရည်ရှန်ပူနဲ့ နေ့စဉ်(၂)ကြိမ်ဆေးကြောသန့်စင်ပြီး Retin-A လိမ်းဆေးကို
လူးပေးနိုင်ပါတယ်၊ အဲဒီနောက် ကလေးပေါင်ဒါမှုန့်ထည့်ပေးနိုင်ပါတယ်၊ ကြောင်ထီးဆိုရင်တော့
သင်းကွပ်ပစ်သင့်ပါတယ်၊
ပြင်ပရောဂါပိုးတွေထပ်မံဝင်ရောက်နေတဲ့အခြေအနေမျိုးမှာတော့ တိရစ္ဆာန်ရောဂါကုဆရာဝန်နဲ့
တိုင်ပင်ပြီး Doxycycline(Doryx, Oracea)Erythromycin(E.E.S.)စတဲ့ဆေးတွေကိုတိုက်ကျွေး
နိုင်ပါတယ်။
