ကြောင်တွေမှာ ဒီရောဂါပိုးရောက်လာပေမယ့် ရောဂါလက္ခဏာတွေချက်ချင်းမပြသေးပါဘူး၊
ကြောင်ရဲ့ အူလမ်းကြောင်းထဲကနေ ခန္တာကိုယ်ရဲ့အခြားအင်္ဂါတွေဆီကို ပြန့်နှံ့ရောက်ရှိသွားတဲ့
အခါကျမှသာ ရောဂါလက္ခဏာတွေပေါ်လာတတ်ပါတယ် Toxoplasma gondii ရောဂါပိုးဟာ
မျက်စေ့ ၊ အဆုပ် ၊ ဦးနှောက် ၊ကျောရိုးအာရုံကြောမကြီးနဲ့ပြန်ရည်ကြောစံနစ်တွေထဲကို
ရောက်ရှိပြီးထိခိုက်ပျက်စီးစေပါတယ်။
ဒီရောဂါဖြစ်ပွားတဲ့ကြောင်တွေဟာ အစားအသောက်ပျက်လာပါမယ်၊ ချောင်းဆိုးပြီး
အသက်ရှုနှုန်းမြန်နေတတ်ပါတယ်၊ ပိန်ချုံးသွားခြင်း ၊ ဝမ်းပျက်ခြင်း ၊ ဖျားခြင်း ၊ ဝမ်းဗိုက်
ဖောင်းလာခြင်း လင့်အကြိတ်တွေယောင်ရမ်းလာခြင်းတို့ကိုတွေ့ရပြီး ဇီးရှိတဲ့ကြောင်မကြီး
တွေမှာ ကလေးအသေမွေးခြင်း ကလေးပျက်ကျခြင်း စတာတွေကိုလည်းတွေ့ရတတ်ပါတယ်။
ရောဂါကိုရှာဖွေတဲ့အခါကြောင်ရဲ့မစင်ထဲမှာ Toxoplasma gondii ရောဂါပိုးပါဝင်မှုရှိမရှိ
ဓါတ်ခွဲခန်းမှာ စစ်ဆေးကြည့်ရပါတယ်၊ပိုပြီးတိတိကျကျသိနိုင်ဖို့ ဓါတ်ခွဲခန်းမှာ ELISA လို့
ခေါ်တဲ့သွေးရည်ကြည်ကိုစစ်ဆေးနည်းနဲ့လည်းစစ်ဆေးကြည့်လို့ရပါတယ်။
ရောဂါပြင်းထန်နေတဲ့ကြောင်တွေကို clindamycin ဆေးနဲ့ထိထိရောက်ရောက်
ကုသလို့ရပါတယ် ၊ကြောင်ရဲ့ အူလမ်းကြောင်းထဲကနေ ပိုးမျိုးစေ့တွေမစွန့်ထုတ်နိုင်
အောင်လည်း ဒီဆေးကိုကြိုတင်တိုက်ကျွေးလို့ရပါတယ်။
ကြောင်သားလျှောရောဂါ(Toxoplasmosis)မဖြစ်စေဖို့အတွက် ကြောင်တွေကို
အသားစိမ်းတွေမကျွေးသင့်တဲ့အပြင်ကျက်အောင်ချက်မထားရသေးတဲ့နွားနို့အစိမ်း
ကိုလည်းမတိုက်သင့်ပါဘူးကြောင်ရဲ့မစင်ထဲမှာပါလာတတ်တဲ့Toxoplasma gondii
ပိုးဟာလူကိုကူးစက်နိုင်ပါတယ် ။
သတိပြုသင့်တာကကြောင်ကနေတိုက်ရိုက်ကူးစက်တာမဟုတ်ပေမယ့် ၊
ကြောင်ရဲ့မစင်နဲ့အတူပါလာတဲ့ Toxoplasma gondiiပိုးတွေဟာပတ်ဝန်းကျင်မှာရှိနေ
နိုင်တဲ့အတွက် အဲဒီပိုးတွေကို အစားအသောက်နဲ့အတူရောစားမိရင်တော့ကူးစက်ခံရ
နိုင်ပါတယ် ၊မိမိအိမ်မှာကြောင်မရှိပေမယ့်လည်း ဒီရောဂါကူးစက်ခံရနိုင်ပါတယ်၊
အမဲသား၊ဝက်သားတွေကို အသားတုံးကြီးကြီး ချက်ပြုတ်စားသောက်တဲ့အခါ ပိုးတွေ
ပါလာရင်အကုန်မသေနိုင်ပါဘူး ၊ နွားနို့ကိုကျက်အောင်မချက်ပဲသောက်ခြင်း၊
အသီးအရွက်တွေစားသောက်တဲ့အခါရေပြောင်စင်အောင်မဆေးခြင်းစတာတွေ
ကြောင့်ရောဂါပိုးကူးစက်ခံရနိုင်ပါတယ်၊ကိုယ်ဝန်ရှိနေတဲ့အခါရောဂါပိုးဝင်ရောက်လာ
ရင်တော့၊ ကလေးအသေမွေးတာတို့၊ ကလေးပျက်ကျတာတို့အပြင် ဦးနှောက်ပိုင်း
ဆိုင်ရာချို့ယွင်းမှုရှိတဲ့ကလေးမွေးဖွားလာတတ်ပါတယ် ။
ဆက်လက်လေ့လာရန် လင့်ကိုနှိပ်ပါ Link
