ဒီရောဂါကတော့ ပရိုတိုဇွားလို့ခေါ်တဲ့ကပ်ပါးကောင်လေးတွေကြောင့်လူအပါအဝင်
နို့တိုက်သတ္တဝါအတော်များများမှာဖြစ်တတ်တဲ့ရောဂါတစ်မျိုးဖြစ်ပါတယ်။
ဒီရောဂါပိုးဟာ ယင်ကောင်ကနေကူးစက်စေတာဖြစ်ပါတယ်ဒီရောဂါဟာ
တစ်ကမ္ဘာလုံးအနှံ့နိုင်ငံပေါင်းအတော်တော်များများမှာဖြစ်ပွားလေ့ရှိပါတယ်။
ခွေးတွွေမှာဒီရောဂါဖြစ်ရင်အန်ခြင်း၊ဝမ်းအရည်သွားခြင်း၊ချောင်းဆိုးခြင်း ၊နှာချေခြင်း
အဆစ်အမြစ်တွေယောင်ခြင်း၊လမ်းလျှောက်တဲ့အခါခွေယိုင်ယိုင်ဖြစ်ခြင်း၊မျက်လုံးရဲ့
အတွင်းသားကိုဖြဲကြည့်ရင်ဖြူဖတ်ဖြူရော်ဖြစ်နေခြင်း၊ခန္တာကိုယ်အနှံ့မှာအနာတွေ
ပေါက်ခြင်း၊ခွေးရဲ့နှုတ်သီးမှာအဖုအကြိတ်တွေပေါ်ခြင်း၊ခြေသည်းလက်သည်းတွေ
မှာ အရှည်လိုက်ကွဲအက်နေတတ်ခြင်းမျက်နှာပေါ်ကအမွှေးများကျွတ်ခြင်းစတဲ့
လက္ခဏာမျိုးစုံဖြစ်တတ်ပါတယ်။
ကြောင်တွွေမှာတော့ဒီလိုလက္ခဏာမျိုးစုံပြသလေ့မရှိပဲရောဂါကငုတ်နေတတ်ပါတယ်
ရောဂါပြင်းထန်တဲ့အခြေအနေဆိုရင်တော့ ခန္တာကိုယ်အနှံ့မှာ အနာငယ်လေးတွေ
ပေါက်လာတာမျိုးလောက်ပဲဖြစ်တတ်ပါတယ်။
ဒီရောဂါကိုဆေးဝါးတွေနဲ့ထိမ်းချုပ်ထားနိုင်ပေမယ့်အမြစ်ပြတ်အောင်တော့ကုသလို့
မရနိုင်သေးပါဘူး ဆေးကုပေးလို့ သက်သာသွားပေမယ့် ပြန်ဖြစ်တတ်ပါတယ်
ကုသမှုအနေနဲ့ Allopurinol စားဆေးကိုခန္တာကိုယ်အလေးချိန်တစ်ကီလိုရှိလေတိုင်း
(၁၅)မီလီဂရမ်နှုံးနဲ့ နေ့စဉ်တိုက်ကျွေးရပါမယ် Amphotericin B ထိုးဆေးကို
ခန္တာကိုယ်အလေးချိန်တစ်ကီလိုရှိလေတိုင်း(၃)မီလီဂရမ်နှုံးနဲ့တစ်ရက်ခြားထိနှံပေး
နိုင်ပါတယ်။
ကြောင်တွင်ဖြစ်ပွားမှုအားဖတ်ရှုရန်လင့်ကိုနှိပ်ပါ LINK
