ဒီရောဂါကတော့ ဗိုင်းရပ်ပိုးကြောင့်ဖြစ်ပွားတာဖြစ်တဲ့အတွက်ကူးစက်မှုအလွန်မြန်ပါတယ် ၊
ဒီရောဂါ ဟာခွေးတွေမှာ အသက်(၁၂)ပါတ်သားကနေ(၃)နှစ်သားကြားအရွယ်တွေမှာအဖြစ်
များလေ့ရှိပါတယ် ။
ရောဂါဖြစ်ကာစမှာတွေ့ရတတ်တဲ့အထင်ရှားဆုံးလက္ခဏာတွေကတော့ မကြာခဏအန်ခြင်း
နဲ့ သွေးပါတဲ့ဝမ်း အရည်ကျဲတွေသွားခြင်းပဲဖြစ်ပါတယ်။
ဒီရောဂါဖြစ်ပွားကာစမှာ
ခွေးဟာပထမဦးဆုံး ကိုယ်အပူချိန်တက်ပြီးဖျားနာလာလေ့ရှိ
ပါတယ် အဲဒီအချိန်ဟာအခြားခွေးတွေကို ကူးစက်နိုင်မှုအများဆုံးအချိန်လည်းဖြစ်ပါတယ်၊
အဲဒီလိုတစ်ရက်နှစ်ရက်လောက်ဖျားပြီးရင် အစာစားပြီးတိုင်းအစာကိုလက်မခံပဲအန်လာ
တာကိုတွေ့နိုင်ပါတယ်၊အန်ပြီးနောက်နေ့မှာတော့သွေးရောင်နည်းနည်းပါတဲ့ဝမ်းအရည်ကျဲ
တွေသွားတာကိုတွေ့ရမှာဖြစ်ပါတယ် ၊ နောက်ရက်တွေမှာတော့ ရောဂါရင့်လာတာနဲ့အမျှ
သွေးဝမ်းသွားတာဖြစ်လာပါတော့တယ်။
ဒီရောဂါဖြစ်နေပြီဆိုရင်အဲဒီခွေးရဲ့ခန္တာကိုယ်ကနေထွက်သမျှအရည်အားလုံးမှာရောဂါပိုးတွေ
ပါလာနေတယ်ဆိုတာကိုသိထားသင့်ပါတယ်။
ဒီရောဂါဖြစ်ပွားကြောင်းသိလျှင်သိချင်း
ပါဗိုဗိုင်းရပ်ဗိုင်းရပ်ကာကွယ်ဆေးကိုချက်ချင်း
ထိုးနှံပေးသင့်ပါတယ် ၊ ခန္တာကိုယ်မှာအရည်ဓာတ်ဆုံးရှုံးမှုများတတ်တဲ့ရောဂါဖြစ်တဲ့အတွက်
ဓာတ်ဆားရည်ပုလင်းကြီးကိုမကြာခဏ ချိတ်ပေးရလေ့ရှိပါတယ်
ဒီရောဂါကြောင့်
ခွေးဟာမကြာခဏအန်နေတတ်တဲ့အတွက် တိုက်ဆေးတွေကိုအားကိုးလို့
မရနိုင်တာကြောင့် ပါဗိုဗိုင်းရပ်ဗိုင်းရပ်သွေးဝမ်းရောဂါဖြစ်ပွားတာသေချာရင်တော့
တိရစ္ဆာန်ရောဂါကုဆရာဝန်နဲ့ပြပြီးကြပ်ကြပ်မမ ကုသသင့်ပါတယ်။
ဒီရောဂါဟာ စနစ်တကျကုသမှုမလုပ်ခဲ့ရင်
အသက်အန္တရာယ်ရှိနိုင်တဲ့ရောဂါတစ်ခုဖြစ်တဲ့
အတွက် မိမိရဲ့ခွေးမှာ ဖြစ်ပွားလာရင်တော့ ဆေးရုံတင်ထားပြီးကုသတာအကောင်းဆုံးဖြစ်
ပါတယ်။
ပါဗိုဗိုင်းရပ်ဗိုင်းရပ်သွေးဝမ်းရောဂါဟုတ်မဟုတ်ကို Parvovirus Test Kit နဲ့စမ်းသပ်သိရှိ
နိုင်ပါတယ်။
ဒီရောဂါဖြစ်ပွားကြောင်းအတည်ပြုပြီးရင်တော့
တိရစ္ဆာန်ရောဂါကုဆရာဝန်များဟာ ခွေးရဲ့
ခန္တာကိုယ်မှာ ဖြစ်ပေါ်လာတဲ့ယိုယွင်းမှုအမျိုးမျိုးကိုစောင့်ကြည့်ပြုပြင်ပေးနေရမယ့်အပြင်
အခြားရောဂါတွေထပ်မဝင်လာ စေဖို့ သင့်လျှော်တဲ့ပဋိဇီဝဆေးတွေကိုလည်း နာရီအလိုက်
စောင့်ကြည့်ပြီးလိုအပ်သလိုထိုးနှံပေးနေရမှာဖြစ်ပါတယ်။
ပါဗိုဗိုင်းရပ်ဗိုင်းရပ်သွေးဝမ်းရောဂါဖြစ်ပွားခြင်းမရှိအောင်
DHPPL လို့ခေါ်တဲ့ ရောဂါ
(၅)မျိုးစပ်ကာကွယ်ဆေးကို နှစ်စဉ်အချိန်မှန်ထိုးနှံပေး သင့်ပါကြောင်းတင်ပြအပ်ပါတယ်
ဆက်လက်ဖတ်ရှုရန် = = »» တက်ဖျားကျဖျားသွေးဝမ်းသွားရောဂါ
