အသက် ၈-နှစ်အထက်ကိုရောက်လာတဲ့ခွေးတွေကို အသက်ကြီးပြီးလို့သတ်မှတ်နိုင်ပါတယ်၊
ခွေးကြီးမျိုးတွေမှာတော့ အသက် ၆-နှစ်အထက်ကိုရောက်ရင် အသက်ကြီးပြီးလို့သတ်မှတ်ကြ
ပါတယ်။
ခွေးတွေရဲ့သက်တမ်းရှည်မှုဟာမျိုးရိုးဗီဇနဲ့လည်းဆိုင်ပါတယ်၊ ခွေးငယ်မျိုးတွေဟာခွေးကြီးမျိုး
တွေထက် သက်တမ်းပိုရှည်လေ့ရှိပါတယ်၊ ဒါပေမယ့်လည်း စားသောက်ရတဲ့အစာအာဟာရ၊
ပြုစုစောင့်ရှောက်မှုနဲ့ ကျန်းမာရေးစောင့်ရှောက်မှုအလိုက် သက်တမ်းပြောင်းလဲနိုင်ပါတယ် ၊
သာမန်အားဖြင့်အိမ်မွေးခွေးတွေဟာ လမ်းဘေးခွေးတွေထက်သက်တမ်းပိုရှည်ကြပါတယ်။
အသက်ကြီးတဲ့ခွေးတွေဟာ အစားအသောက်ပျက်လာစမြဲဖြစ်ပါတယ်၊အန်ခြင်းနဲ့တခါတလေ
ဝမ်းချုပ်ခြင်းတွေလည်းဖြစ်တတ်ပြီး၊ မကြာခဏဝမ်းပျက်တတ်တာဟာ အသက်ကြီးလာခြင်း
ကြောင့် အူလမ်းကြောင်းရဲ့စွမ်းဆောင်ရည်တွေလျှော့ကျခြင်းရဲ့လက္ခဏာတွေသာဖြစ်ပါတယ်။
အသက်ကြီးတာနဲ့အမျှ ကျောက်ကပ်တွေဟာပုံမှန်အလုပ်မလုပ်နိုင်ဖြစ်လာတတ်ပါတယ် ၊
ဆီးအိမ်ကလည်းဆီးကိုမထိမ်းနိုင်ဖြစ်လာတဲ့အတွက် ဆီးမကြာခဏသွားတတ်ပါတယ်၊
ဒါ့အပြင်ကြွက်သားတွေရဲ့တောင့်တင်းသန်မာမှုဟာလျှော့ကျလာလေ့ရှိပြီး ခန္တာကိုယ်မှာရှိတဲ့
အရိုးရှည်တွေဟာ ကျစ်လစ်သန်မာမှုမရှိတော့ပဲ ပွယောင်းလာကြပါတယ် ဒါကြောင့်မို့
အသက်ကြီးတဲ့ခွေးတွေဟာ ခွေးငယ်တွေလို အမြင့်ခုန်တာ တွေမလုပ်နိုင်တော့တဲ့အတွက် လှုပ်ရှားသွားလာမှုတွေနှေးကွေးလေးလံလာကြတာဖြစ်ပါတယ်၊ဒီလိုပြောင်းလဲလာတာဟာ
အသက်အရွယ်ကြောင့်သာဖြစ်ပါတယ်။
အသက်ကြီးလာတဲ့အခါ သူတို့ရဲ့အာရုံကြောစနစ်ဟာလည်းတဖြည်းဖြည်းနဲ့ယိုယွင်းလာ
တဲ့အတွက် အနံ့ခံနိုင်မှု၊ အရသာခံနိုင်မှုနဲ့အမြင်အာရုံတွေလည်းလျှော့ကျလာစမြဲဖြစ်ပါတယ်။
ကိုယ်ခန္တာရဲ့ပြောင်းလဲလာခြင်းတွေနဲ့အတူ သူတို့ရဲ့အမူအကျင့်တွေဟာလည်း အထက်မှာ
ရှင်းပြခဲ့တဲ့အတိုင်းတဖြည်းဖြည်းချင်းပြောင်းလဲလာတတ်ကြပါတယ်၊
ပတ်ဝန်းကျင်ရဲ့ပြောင်းလဲမှုကိုတုန့်ပြန်နိုင်စွမ်းလျှော့နည်းလာခြင်း၊မိမိကိုယ်ကိုပြန်ယက်တဲ့
သဘာဝနည်းပါးလာခြင်း၊ သူတို့ရဲ့စိတ်ထဲမှာပူပန်မှုတွေမြင့်တက်လာတဲ့အတွက်ကြောင့်
ညအချိန်တွေမှာဂဏှာမငြိမ်ဖြစ်နေတတ်ခြင်း ၊ငယ်ရွယ်စဉ်ကလိုဆော့ကစားတာမျိုး
နည်းပါးလာခြင်း ၊ လေးလံထိုင်းမှိုင်လာခြင်း၊ ဝမ်းပျက်ခြင်း ၊ ဆီးခဏခဏသွားခြင်း၊
အစားအသောက်ပျက်လာခြင်းစတဲ့ပြောင်းလဲမှုတွေဟာ ဘာရောဂါကြောင့်မှမဟုတ်ပဲ
အသက်ကြီးမှု Geriatrics ဖြစ်လာခြင်း ကြောင့်သာဖြစ်ကြောင်းသိရှိထားသင့်ပါတယ်။
အသက်အရွယ်ကြီးသောကြောင်များအကြောင်းသို့ Link
