အစာချေပြီးလို့အူထဲကိုရောက်လာတဲ့အာဟာရဓာတ်တွေကို အူရဲ့နံရံတွေကကောင်းကောင်း
စုပ်မယူနိုင်ခြင်းကို Malabsorption Syndrome လို့ခေါ်ပါတယ်။
ဒီရောဂါရဲ့လက္ခဏာတွေကတော့ အန်ခြင်း၊ဝမ်းလျှောခြင်း၊အစာအများကြီးပိုစားလာသော်လည်း
တဖြည်းဖြည်းနဲ့ပိန်ချုံးလာခြင်းနဲ့ နုန်းခွေနေတတ်ခြင်းတို့ပါဝင်ပါတယ် ၊ ဒီရောဂါဖြစ်လာရင်
အူတွေရဲ့အတွင်းနံရံတွေဟာထူထဲလာပြီး ပတ်ဝန်းကျင်ကဆဲလ်တွေပွားများထူထပ်လာမှုကြောင့်
အစာအာဟာရတွေကိုပို့ဆောင်ပေးတဲ့ပြန်ရည်ကြောတွေဟာ လည်းပိတ်ဆို့နေတဲ့အတွက်
အစာစုပ်ယူမှုကိုပုံမှန် အတိုင်းဆောင်ရွက်နိုင်မှုမရှိတော့တာကိုတွေ့ရပါတယ်။
ဒီလိုဖြစ်လာစေတဲ့အကြောင်းရင်းတွေကများစွာရှိနိုင်ပါတယ်၊ကပ်ပါးကောင်တွေ၊ဘက်တီးရီးယားပိုး
တွေကြောင့်ဖြစ်နိုင်သလို၊ စားသောက်ရတဲ့အစာတွေကြောင့်လည်းဖြစ်တတ်ပါတယ်။
တခါတလေကိုယ်စွမ်းအားစနစ်ကြောင့်လည်းဖြစ်တတ်ပါတယ်၊ဒီလိုဖြစ်နေခြင်းကိုကုသပေးဖိုင်ဖို့
ဆိုတာ အကြောင်းရင်းကိုသိမှာသာပြုပြင်ပေးနိုင်မှာဖြစ်တဲ့အတွက် ဘာကြောင့်ဖြစ်ရတာလဲဆိုတဲ့
အကြောင်းရင်းကိုတိတိကျကျသိနိုင်ဖို့အတွက် စစ်ဆေးစမ်းသပ်မှုတွေအများကြီးလုပ်ကြည့်ရလေ့
ရှိပါတယ်၊ သွေးစစ်ဆေးခြင်း၊ဝမ်းစစ်ဆေးခြင်း၊ ဝမ်းဗိုက်ကိုဓာတ်မှန်ရိုက်စစ်ဆေးခြင်းနဲ့ အူထဲက
အသားစကိုယူပြီး အူထဲမှာတည်ဆောက်ဖြစ်ပေါ်နေပုံတွေကိုစစ်ဆေးရတဲ့ Histopathology
စစ်ဆေးနည်းတွေလည်း လုပ်ဆောင်ရမှာဖြစ်ပါတယ် ၊ တွေ့ရှိလာတဲ့အဖြေပေါ်မှာမူတည်ပြီး
သက်ဆိုင်ရာကုထုံးနဲ့ကုသမှသာ သက်သာပျောက်ကင်းပြီးမူလအတိုင်း ကျန်းကျန်းမာမ ဝဝဖြိုးဖြိုး
ပြန်ဖြစ်လာမှာဖြစ်ပါတယ်။
