TRICHINOSIS ဆိုတာက Trichina spiralis ဆိုတဲ့သန်လုံးကောင်လေးတွေစွဲကပ်တဲ့ရောဂါကို
ဆိုလိုတာဖြစ်ပါတယ် ၊ ပုံမှန်အားဖြင့်ဒီသန်ကောင်အမျိုးအစားဟာ ကြွက် ၊ မြင်းနဲ့အသားစားတဲ့
ငှက်တွေမှာစွဲကပ်ဖြစ်ပွားလေ့ရှိတဲ့သန်ကောင်အမျိုးအစားဖြစ်ပေမယ့် လူအပါအဝင် ဝက်၊ကြွက်နဲ့
နို့တိုက်သတ္တဝါအတော်များများကိုကူးစက်စေတတ်ပါတယ်။
ကျက်အောင်ချက်မထားတဲ့ဝက်သားနဲ့ အသားစားတောရိုင်းတိရစ္ဆာန်တွေရဲ့အသားထဲမှာTrichina
spiralis သန်ကောင်လောင်းလေးတွေဟာမသေသေးတဲ့အတွက်လူတွေစားမိရင်ဖြစ်စေခွေးကြောင်
တွေကိုကျွေးမိရင်ဖြစ်စေကူးစက်ခံရနိုင်ပါတယ်။
Trichina spiralis သန်လုံးကောင်မျိုးဉတွေပါတဲ့အသားကိုစားမိတဲ့အခါ အူလမ်းကြောင်းထဲကနေ
တဆင့် ခန္တာကိုယ်အနှံ့ကိုပြန့်နှံ့ရောက်ရှိသွားကြပြီးအသားစိုင်တွေထဲမှာမျိုးဉပုံစံနဲ့ခိုအောင်းနေထိုင်
ကြပါတယ်၊ ဒီသန်ကောင်တွေဟာ အသားစိုင်တွေထဲမှာ မျိုးဉပုံစံပြောင်လဲပြီး နှစ်ပေါင်းများစွာ
အသက်ရှင်နေနိုင်ကြတယ်လို့ဆိုပါတယ်။
ဒီသန်ကောင်မျိုးဉတွေပါနေတဲ့အသားကိုစားမိလိုက်လို့ ၊ စားသောက်တဲ့လက်ခံကောင်ရဲ့ အူထဲကို
ရောက်လာတဲ့အခါ သန်ကောင်ပေါက်ကလေးတွေဟာမျိုးဉထဲကနေပြန်ထွက်လာကြပြီးအသားစိုင်
တွေထဲမှာသွားရောက်ခိုအောင်းနေထိုင်ကြပြန်ပါတယ်။
ခွေးကြောင်တွေမှာဒီသန်ကောင်စွဲကပ်ရင်ရောဂါလက္ခဏာရယ်လို့ထူးထူးထွေထွေပြသလေ့မရှိပါဘူး၊
ကြွက်အပါအဝင်တောရိုင်းတိရစ္ဆာန်ရဲ့အသားကိုကျွေးခြင်းနဲ့ကျက်အောင်ချက်မထားတဲ့ဝက်သားကို
ကျွေးမိခဲ့ရင်တော့ ဒီသန်ကောင်စွဲကပ်နေကြောင်းသံသယအဖြစ်ယူဆနိုင်ပါတယ်၊ ဒါပေမယ့်
ဒီသန်ကောင် စွဲကပ်နေတဲ့ခွေးကြောင်တွေမှာတော့ ထူးထူးခြားခြားရောဂါလက္ခဏာတွေပြသလေ့
မရှိတဲ့အတွက်ကုသလေ့လည်းမရှိကြပါဘူး။
လူတွေကို ဒီသန်ကောင်တွေအများကြီးကူးစက်ခံရရင်တော့အဖျားအလွန်ကြီးတတ်ပြီးတခါတရံမှာ
သေဆုံးတဲ့အထိဖြစ်တတ်ပါတယ်၊
ဒီသန်ကောင်စွဲကပ်ခြင်းမှကင်းဝေးစေဖို့အတွက်ဆိုရင် ဝက်တွေကိုကျွေးမယ့်သီးနှံတွေကို အပူချိန်
212°F (100°C) မှာ နာရီဝက်ခန့်ချက်ပြုပ်ပြီးမှကျွေးမွေးသင့်တဲ့အပြင် ၊ ဝက်သားကို 160°F (71°C)
အထိအပူပေးချက်ပြုပ်ပြီးမှသာစားသောက်ခြင်း ၊ ခွေးကြောင်တွေကိုကျွေးမွေးခြင်းပြုသင့်ပါတယ်။
