ခွေးကျောက်ရာဂါ (Canine Distemper )

ခွေးတွေမှာ ဗိုင်းရပ်ပိုးကြောင့်ဖြစ်ပွားတဲ့ရောဂါတစ်မျိုးဖြစ်ပါတယ် ၊ဒီရောဂါဟာ ခွေးတွေမှာ 

အထီးအမ မရွေးပဲ အသက်(၆)လကနေ(၁)နှစ်ကြားမှာ အဖြစ်များလေ့ရှိပါတယ်။

ရောဂါလက္ခဏာတွေအနေနဲ့ အဖျားကြီးတတ်ပြီး၊ခွေးဟာ အသက်ရှုကျပ်တာ၊ မောတာနှာရည်တွေ 

ကျတာတွေဖြစ်တတ်ပါတယ် … နောက်တော့ဝမ်းပျက်လာပြီး သေသေချာချာမကုသရင်တော့ 

ဝမ်းထဲမှာသွေးပါလာတတ်ပါတယ်၊ အဲဒီထက်အခြေအနေဆိုးလာရင် တက်တတ်ပါတယ် … 

ဝမ်းဗိုက်နဲ့ပေါင်ကြားကိုကြည့်ရင် အနီရောင်အဖုအစက်တွေကိုတွေ့ရတတ်ပါတယ် ၊ဒီရောဂါဟာ 

သေချာမကုသရင် အသေအပျောက်များပါတယ်။ 

ကူးစက်တာအလွန်မြန်တဲ့ရောဂါဖြစ်တဲ့အတွက် ဒီရောဂါကျရောက်တဲ့အချိန်ဆိုရင် ခွေးတွေ 

အတော်များများ ကူးစက်ခံရပြီးသေဆုံးတတ်ကြပါတယ် ၊ ရောဂါဖြစ်တဲ့ခွေးရဲ့(၅၀%)လောက် 

သေဆုံးသွားလေ့ရှိပါတယ်… အသက်ငယ်လေလေ ပိုပြီးဖြစ်ပွားလေလေဖြစ်ပါတယ် … 

ဒီရောဂါဖြစ်လာတဲ့အခါ ခန္တာကိုယ်ရဲ့အရည်ဓါတ် ဆုံးရှုံးမှုဟာအလွန်များပြားတဲ့အတွက် 

၊အဓိကအားဖြင့်အရည်ဓာတ်ခန်းတဲ့အတွက်သေဆုံးရတာက အများဆုံးဖြစ်ပါတယ် ။ 

ခွေးကျောက်ရောဂါဖြစ်တဲ့ခွေးကို ဓါတ်ဆားရည်များများတိုက်ရပါမယ်၊ဒါပေမဲ့ ခွေးကမသောက် 

တော့တဲ့ အတွက် အခြေအနေကပိုဆိုးလာတတ်ပါတယ် … ဆေးခန်းမှာ ကြပ်ကြပ်မတ်မတ် 

စောင့်ကြည့်ပြီး ဓါတ်ဆားရည်ပုလင်းကြီးကို သွေးကြောကတဆင့်သွင်းပေးတာကပိုပြီးထိရောက်မှု 

ရှိပါတယ်၊ဒါ့အပြင်ပဋိဇီဝဆေးတွေကို ပုံမှန်တိုက်ကျွေးခြင်းထိုးနှံပေးခြင်းတို့လည်းပြုလုပ်ပေးသင့် 

ပါတယ်၊ခွေးကိုဓါတ်ရောင်ခြည်ကင်ပေးနိုင်ရင်တော့ သေဆုံးနှုံး သိသိသာသာလျှော့သွားနိုင်ပါတယ် 

ဓါတ်ရောင်ခြည်ကင်ပေးဖို့အခက်အခဲရှိနေရင်တော့မနက်စောစောထွက်တဲ့နေရောင်ခြည်နဲ့ညနေ 

စောင်းနေရောင်ခြည်ထဲမှာ ခွေးကိုချထားပေးသင့်ပါတယ် ။

 

ဒီရောဂါဟာ ကြိုတင်ကာကွယ်လို့ရတဲ့ရောဂါတစ်ခုဖြစ်ပါတယ် …အသက်(၆)လကစတင်ပြီးတော့

 

ခွေးကျောက်ရောဂါကာကွယ်ဆေးကို နှစ်စဉ်တစ်ကြိမ်နှုံး ပုံမှန်ထိုးနှံပေးထားရင် ဒီရောဂါမဖြစ်နိုင် 

 

တော့ပါဘူး ။

 ခွေးကျောက်ရာဂါ (Canine Distemper )ရှိမရှိကို Test Kit နဲ့စစ်ဆေးခြင်းဖြင့်သိနိုင်ပါတယ်