စအိုအတွင်းစမ်းသပ်ခြင်း(Rectal Examination)

စအိုအတွင်းကို လက်ချောင်းတစ်ချောင်းထိုးသွင်းစမ်းသပ်ခြင်းအားဖြင့် ရောဂါဖြစ်ပွားမှုအပေါ်မှန်းဆနိုင်ဖို့ အရေးပါတဲ့အချက်အလက်တွေကိုသိရှိလာနိုင်ပါတယ် ၊ စအိုရဲ့အပေါ်ဖက်ပိုင်းမှာရှိနေတတ်တဲ့ ခါးရိုးဆစ်အောက်အကြိတ်(sublumbar lymph nodes)တွေကို စမ်းသပ်တွေ့ရှိနိုင်ပါတယ် ၊ အဲဒီအကြိတ်တွေကြီးမားနေရင် ကိုယ်တွင်းခေါင်းထဲရောဂါပိုးဝင်ရောက်မှုနဲ့ မြစ်ပွားနာဖြစ်ပွားမှုကို ခန်းမှန်းသိရှိနိုင်ပါတယ် ၊ စစ်ဆေးချိန်မှာတင်ဆုံရိုးခွေနှစ်ဖက်စလုံးကိုစမ်းသပ်တဲ့အခါ ဘက်ညီညီရှိမရှိ စမ်းသပ်နိုင်တဲ့အတွက် ထိခိုက်ဒါဏ်ရာရထားတဲ့ခွေးတွေမှာ တင်ဆုံရိုးကျိုးမကျိုးကိုခန့်မှန်းသိရှိနိုင်ပါတယ် ၊ စအိုအတွင်းပိုင်းပတ်ပတ်လည်ကိုစမ်းသပ်ခြင်းအားဖြင့် ပုံမှန်မဟုတ်တဲ့အဖုအကြိတ်တွေဖြစ်ပေါ်နေတာမျိုးနဲ့ အူကျွံအူခေါက်ဖြစ်နေတာမျိုးတွေကိုလည်းသိရှိနိုင်ပါတယ် ၊ ဒါ့အပြင်စအိုအတွင်းမှာရှိနေတတ်တဲ့ ၀မ်းအစအနတွေရဲ့ ပျော့ခြင်းမာခြင်း ၊ အရောင်ပြောင်းလဲမှုအမျိုးမျိုးအပြင် အကျိအချွဲနဲ့သွေးစပါခြင်းမပါခြင်း စတဲ့အချက်အလက်တွေကိုသိရှိခြင်းအားဖြင့် ရောဂါခန့်မှန်းရာမှာများစွာအထောက်အကူဖြစ်စေနိုင်ပါတယ် ၊ အရွယ်ရောက်ပြီးခွေးအထီးတွေကို စအိုအတွင်းစမ်းသပ်မှုပြုလုပ်ခြင်းအားဖြင့် ဆီးကြိတ်တွေရဲ့ အရွယ်ပမာဏကိုအလွယ်တကူစမ်းသပ်နိုင်ပါတယ် ၊ သာမန်အခြေအနေမှာ ဆီးကြိတ်နှစ်ခုဟာ အရွယ်တူဆိုဒ်တူရှိနေပြီး နူးညံ့ချောမွေ့စွာရှိနေတဲ့အပြင် လက်နဲ့ထိတွေ့စမ်းသပ်တဲ့အခါ နာကျင်မှုလုံးဝမရှိတတ်ပါဘူး ၊  ဆီးကြိတ်တွေမှာ ရောဂါဝေဒနာရှိနေပြီဆိုရင်တော့ အရွယ်ပမာဏနဲ့ အပျော့အမာပြောင်းလဲမှုတွေကို စမ်းသပ်တွေ့ရမှာဖြစ်ပြီး ထိတွေ့စမ်းသပ်တဲ့အခါမှာလည်း နာကျင်မှုခံစားရတာကိုတွေ့ရှိရမှာဖြစ်ပါတယ် ၊ အရွယ်ရောက်ပြီးခွေးမတွေကို စအိုအတွင်းစမ်းသပ်မှု ပြုလုပ်ခြင်းအားဖြင့် သူတို့ရဲ့သားအိမ်နဲ့ ဆီးအိမ်ကထွက်လာတဲ့ဆီးပြွန်မှာ ဖြစ်ပေါ်နေတဲ့အဖုအကြိတ်တွေနဲ့ အခြားပြောင်းလဲမှုတွေကိုသိရှိနိုင်ပါတယ် ၊