ပြင်ပကပ်ပါးနှိမ်နင်းရေးဆိုင်ရာသိကောင်းစရာများ

ခွေးကြောင်တွေရဲ့အရေပြားပေါ်မှာတွယ်ကပ်နေထိုင်တဲ့ သန်း၊မွှားနဲ့လှေးကောင်တွေစွဲကပ်နေရင် 

 

ခွေးကြောင် တွေရဲ့သဘာဝအလှအပကိုထိခိုက်ပျက်စီးစေတတ်သလို မလိုလားအပ်တဲ့ရောဂါတွေ 

 

လည်းကူးစက်ဖြစ်ပွားလာစေနိုင်တဲ့အတွက်  အချစ်တော်ခွေးကြောင်တွေမှာပြင်ပကပ်ပါးတွေ 

 

ကင်းစင်နေအောင်အမြဲသတိပြုထိမ်းသိမ်းပေးသင့်ပါတယ်၊အကယ်၍သင်မွေးမြူထားတဲ့ခွေးကြောင် 

 

တွေမှာ ပြင်ပကပ်ပါးကောင်တွေစွဲကပ်နေပြီဆိုရင် အောက်မှာ ဖော်ပြထားတဲ့အချက်တွေအတိုင်း 

 

လိုက်နာဆောင်ရွက်ခြင်းအားဖြင့် သန်းမွှားပြသနာကိုအလွယ်တကူ ဖြေရှင်းသွားနိုင်မှာဖြစ်ပါတယ်။ 

 

(၁) ပြင်ပကပ်ပါးကောင်တွေကိုထိရောက်စွာသုပ်သင်နိုင်တဲ့အပြင်အာနိသင်အားဖြင့်လည်းတာရှည်

ခံတဲ့ ဆေးအမျိုးအစားတွေကိုသာ ရွေးချယ်အသုံးပြုပါ

 

လှေးနဲ့မွှားကောင်တွေကို သုပ်သင်နိုင်တဲ့ဆေးတွေ များစွာရှိတဲ့အနက် isoxazolinesအုပ်စုဝင် 

 

ဆေးတွေဟာ လှေးနဲ့ မွှားကောင် တွေကို အချိန်(၃)နာရီအတွင်းမှာသုပ်သင်နိုင်ပြီး ရက်သတ္တပါတ် 

 

ပေါင်းများစွာ အာနိသင်မပြယ်ပဲ ဆက်လက်တားဆီးကာကွယ်ပေးထားနိုင်တဲ့ဆေးအမျိုးအစားတွေ

 

ဖြစ်ပါတယ်။

 

 

ဒါပေမယ့်ဒီဆေးကတိရစ္ဆာန်ရောဂါကုဆရာဝန်ရဲ့လက်မှတ်နဲ့သာဝယ်ယူလို့ရနိုင်တဲ့ဆေးအမျိုးအစား 

 

ဖြစ်ပါတယ် ၊ ဒီဆေးကို Simparica, NexGard နဲ့ Bravecto ဆိုတဲ့နာမည်တွေနဲ့ထုတ်လုပ်ရောင်းချ 

 

ပါတယ် Simparica  နဲ့ NexGard ကတော့ ခွေးကြောင်တွေဝါးစားနိုင်တဲ့ပုံစံမျိုးနဲ့ထုတ်လုပ်ထားပြီး

 

လစဉ်တိုက်ကျွေးပေးဖို့လိုအပ်ပါတယ်Bravectoတံဆိပ်ကတော့ဝါးစားနိုင်တဲ့ပုံစံမျိုးအဖြစ်ထုတ်လုပ်

 

ထားပြီး (၃)လတစ်ကြိမ်သာတိုက်ကျွေးဖို့လိုအပ်ပါတယ်။

 

 

Bravecto ဆေကိုလိမ်းဆေးအနေနဲ့လည်းထုတ်လုပ်ရောင်းချတာတွေရှိပါတယ်ဒီဆေးကဘေးထွက်

 

ဆိုးကျိုးအနေနဲ့အာရုံကြောစနစ်ကိုထိခိုက်စေနိုင်တဲ့အတွက်တိရစ္ဆာန်ရောဂါကုဆရာဝန်ရဲ့ညွှန်ကြား

 

ချက်အတိုင်း သာ အသုံးပြုသင့်ပါတယ် ၊ နောက်တစ်မျိုးကတော့ SPINOSAD စားဆေးဖြစ်ပါတယ် 

 

၊ ဒီဆေးကိုလည်း ခွေးကြောင်တွေဝါးစားနိုင်တဲ့ပုံစံမျိုးအဖြစ်ထုတ်လုပ်ထားပြီးလစဉ်တိုက်ကျွေးရတဲ့

 

ဆေးမျိုးဖြစ်ပါတယ်  ဒီဆေးကိုခွေးအတွက်နဲ့ကြောင်အတွက်ဆိုပြီး သီးခြားစီထုတ်လုပ်ရောင်းချကြပါတယ် ၊ 

 

ဒီဆေးရဲ့ကောင်းတဲ့အချက်ကတော့ လှေးတွေကို(၃၀)မိနစ်အတွင်းမှာသုပ်သင်နိုင်တာပါပဲ 

 

မကောင်းတဲ့အချက်က ဆေးတိုက်တဲ့အခါမှာ အန်တတ်တာဖြစ်ပါတယ်၊ ဒါကြောင့်အဲဒီဆေးကို 

 

တိုက်ကျွေးမယ်ဆိုရင် အစာနဲ့ရောကျွေးဖို့လိုအပ်ပါတယ်။

 

 

(၂) ဆေးလည်ပါတ်တပ်ဆင်ပေးထားပါ

 

တချို့ပိုင်ရှင်တွေကတော့ လှေးနဲ့မွှားကိုကာကွယ်ဖို့အတွက် ဆေးလည်ပတ်တပ်ဆင်ပေးရတာကို 

 

ပိုပြီး နှစ်သက်လေ့ရှိပါတယ်။

 

Seresto အမျိုးအစား ဆေးလည်ပတ်တွေမှာ imidacloprid  နဲ့ flumethrin စတဲ့  ဆေးတွေပါဝင်တဲ့အတွက် 

 

အဲဒီဆေးလည်ပတ်မျိုးကိုတပ်ဆင်ပေးထားရင်မွှားနဲ့လှေးတွေရဲ့အန္တရာယ်ကနေ(၈)လလောက်အထိ

 

ကာကွယ်ပေးထားနိုင်ပါတယ်၊အဲဒီလိုအချိန်ကြာကြာကာကွယ်ပေးထားနိုင်တာဟာဆေးလည်ပတ် 

 

တွေရဲ့အားသာချက်တစ်ခုဖြစ်ပါတယ် ။

 

 

ဆေးလည်ပတ်တွေမှာပါဝင်တဲ့ဆေးတွေဟာလူကိုအန္တရာယ်မပေးနိုင်တဲ့အတွက်ခွေးကြောင်တွေကို 

 

ဆေးလည်ပတ် တပ်ဆင်ပေးတဲ့အခါမှာ လက်အိပ်စွပ်ပြီးကိုင်တွယ်ဖို့ အထူးမလိုအပ်ပါဘူး  ၊ 

 

တပ်ဆင်ပေးပြီးရင် တော့လက်ကိုသေချာစွာဆေးကြောပစ်သင့်ပါတယ် ၊ ဆေးလည်ပတ်တွေဟာ 

 

ရေနဲ့ထိတွေ့တဲ့အခါအာနိသင်လျှော့သွားတတ်ပါတယ်၊ဒါကြောင့်မို့ ဆေးလည်ပတ်တပ်ဆင်ပေးထား

 

တဲ့ခွေးကိုရေကူးခိုင်းရင်တော့ဆေးလည်ပတ်ရဲ့အာနိသင်က(၈)လအထိမရနိုင်တော့ပဲ(၅)လလောက်

 

နဲ့ အာနိသင်ကုန်သွားတတ်ပါတယ်။

 

 

(၃) ကပ်ပါးကောင်တွေရဲ့မျိုးဆက်ပွားမှုသံသရာစက်ဝန်းကို တားဆီးပေးနိုင်တဲ့ဆေးအမျိုးအစားကို ရွေးချယ်အသုံးပြုပါ

 

ခွေးကြောင်တွေရဲ့ခန္တာကိုယ်ပေါ်မှာလှေးမွှားစတဲ့ကပ်ပါးကောင်တွေကင်းစင်နေအောင်ဆောင်ရွက်တဲ့ 

 

အခါအရွယ်ရောက်ပြီးသား လှေးမွှားတွေကို သုပ်သင်ပစ်ရုံနဲ့မလုံလောက်ပဲသူတို့ရဲ့မျိုးဆက်ပွားမှုကို

 

ပါ တားဆီးနိုင်ဖို့လိုအပ်ပါတယ် လှေးကောင်တွေရဲ့မျိုးပွားမှုသံသရာစက်ဝန်းဟာ အလွန်တိုတောင်း

 

လှတာ ကြောင့် လှေးတွေရဲ့မျိုးပွားမှုကိုတားဆီးဖို့ကသိပ်ပြီးခက်ခဲလေ့မရှိပါဘူး။

 

လှေးတစ်ကောင်ဟာခွေးကြောင်တွေရဲ့ခန္တာကိုယ်ပေါ်ကိုတွယ်ကပ်ပြီးတဲ့အခါ သွေးကိုစုပ်ယူ

 

စားသောက်ပြီး  တစ်နေ့လျှင်ဉပေါင်း(၄၉-၅၀)ခန့် ဉချလေ့ရှိပါတယ် lufenuron  နဲ့ Sentinel  

 

ဆေးတွေကိုအသုံးပြုပြီး နှိမ်နင်းမယ်ဆိုရင် အရွယ်မရောက်‌သေးတဲ့ အကောင်ကြီးတွေသာမက 

 

သားလောင်းတွေနဲ့ ဉတွေကိုပါ ဆက်လက်ဖွံ့ဖြိုးမလာနိုင်တော့အောင်တားဆီးပေးနိုင်ပါတယ်။  

 

 

(၄) မိမိအိမ်ရှိခွေးကြောင်များအားလုံးကိုတစ်ပြိုင်နက်တည်းကပ်ပါးနှိမ်နင်းရေးဆောင်ရွက်ပါ

 

လှေးမွှားနှိမ်နင်းရေးဆောင်ရွက်တဲ့အခါနောက်တစ်ဖန်ပြန်မဖြစ်စေရေးအတွက်ပြန်လည်ပွားများ

 

ကူးစက်လာနိုင်ခြင်းမရှိစေဖို့တစ်ကောင်မှမကျန်အောင်သုပ်သင်ပစ်ဖို့အရေးကြီးပါတယ်ဒါကြောင့်မို့

 

မိမိအိမ်မှာရှိတဲ့  ခွေးကြောင်တွေအားလုံးကိုတစ်ပြိုင်နက်တည်းဆောင်ရွက်ဖို့အရေးကြီးလှပါတယ်။

 

ဒါကြောင့် လှေးမွှားနှိမ်နင်းရေးဆောင်ရွက်တဲ့အခါခွေးကြောင်တစ်ကောင်တည်းကိုပဲရွေးပြီး

 

ဆောင်ရွက်ခြင်းအားဖြင့် အခြားခွေးကြောင်တွေမှာစွဲကပ်နေတဲ့အကောင်တွေကနေ ပြန်လည်

 

ကူးစက်လာနိုင်တဲ့ အတွက် မိမိအိမ်မှာရှိတဲ့ခွေးကြောင်တွေအားလုံးကို တစ်ပြိုင်နက်တည်း

 

လုပ်ဖို့လိုအပ်တဲ့အပြင် သူတို့ကိုထားတဲ့နေရာတွေနဲ့လှောင်အိမ်တွေကိုလည်း ပိုးသတ်ဆေးဖျန်း

 

ပစ်ဖို့လိုအပ်ပါတယ်။

 

(၅) သားလောင်းကောင်တွေခိုအောင်းနေတတ်တဲ့နေရာတွေကိုဆေးဖျန်းပါ

 

လှေးတွေမွှားတွေဟာခွေးကြောင်တွေရဲ့ခန္တာကိုယ်ပေါ်မှာပဲရှိနေတတ်တာမဟုတ်ပါဘူးခန္တာကိုယ်ပေါ်

 

ကနေ ပြုတ်ကျပြီး အိမ်ရဲ့အခင်းတွေ ကော်ဇောတွေနဲ့ ခွေးကြောင်တွေနေလေ့ရှိတဲ့နေရာတွေရဲ့ 

 

အနီးကနံရံနဲ့ကြမ်းပြင်ရဲ့အကြိုအကြားနေရာတွေမှာလည်းခိုအောင်းနေလေ့ရှိတယ်ဆိုတာကိုသိထား

 

သင့်ပါတယ် ကပ်ပါးကောင်တွေရှိနေပြီဆိုရင်ခွေးကြောင်တွေရဲ့ခန္တာကိုယ်ပြင်ပမှာသူတို့ခိုအောင်း

 

နေတဲ့အသိုက်တစ်ခုအမြဲရှိနေတတ်တယ်ဆိုတာကိုသိထားသင့်ပါတယ်။

 

 

ဒါကြောင့်မို့မိမိရဲ့အိမ်မှာရှိတဲ့ခွေးကြောင်တွေကိုပြင်ပကပ်ပါးနှိမ်နင်းရေးလုပ်တဲ့အခါသူတို့ရဲ့ခန္တာကိုယ် 

 

အပေါ်က အကောင်တွေကို သုပ်သင်ခြင်းနဲ့တစ်ပြိုင်တည်း ခွေးကြောင်တွေနေလေ့ရှိတဲ့နေရာတွေ ၊ 

 

ကြမ်းပြင်တွေအပါအဝင်လှေးမွှားတွေခိုအောင်းနေတဲ့နေရာ၊အသိုက်ကိုပါတွေ့အောင်ရှာပြီးသင့်လျှော်

 

တဲ့ အင်းဆက်ပိုးသတ်ဆေးရည်တစ်မျိုးမျိုးနဲ့ ပက်ဖျန်းသုပ်သင်ပစ်ဖို့အလွန်အရေးကြီးလှပါတယ်။

 

 

(၆) ဖုန်စုပ်စက်ကိုအသုံးပြုပါ

မိမိအိမ်ကခွေးကြောင်တွေမှာ ကပ်ပါးကောင်တွေစွဲကပ်နေပြီဆိုရင် အင်မတန်သေးငယ်လှတဲ့

 

ကပ်ပါးဉ တွေဟာအိမ်ရဲ့ကြမ်းပြင်နေရာအနှံ့မှာရှိနေနိုင်တယ်ဆိုတာကိုသိထားသင့်ပါတယ်၊ 

 

ကပ်ပါးနှိမ်နင်းရေးဆိုင်ရာသုတေသနပြုချက်တစ်ခုအရခွေးကြောင်တွေနေလေ့ရှိတဲ့နေရာတွေက

 

ကြမ်းပြင်တွေအခင်းတွေနဲ့ လှောင်အိမ်တွေကိုဖုန်စုပ်စက်အသုံးပြုပြီး သန့်ရှင်းရေးဆောင်ရွက်ပေး

 

ခြင်းဟာလှေးမွှားစတဲ့ပြင်ပကပ်ပါးများနှိမ်နင်းရေးမှာအလွန်ထိရောက်မှုရှိတယ်လို့တွေ့ရှိထားပါကြောင်း 

 

ဗဟုသုတအဖြစ်တင်ပြပါတယ်။

Dr. Sarah Wooten(D.V.M) ၏စာတမ်းကိုဆီလျှော်အောင်ဘာသာပြန်ဆိုပါသည်။

ဤအကြောင်းအရာကိုဒေါင်းလုပ်ယူလိုပါက ခလုပ်ကိုနှိပ်ပါ 