ရင်ဝမ်းခြားကြွက်သားပြင်ဆိုတာက ရင်ခေါင်းနဲ့ဝမ်းဗိုက်ကိုခြားထားတဲ့ကြွက်သားပြင်ကိုခေါ်တာဖြစ်ပါတယ်
၊ ရင်ခေါင်းထဲမှာ အဆုပ်နဲ့နှလုံးတို့ရှိနေပြီး ဝမ်းဗိုက်ပိုင်းမှာတော့ အသည်း ၊
အစာအိမ်နဲ့အူလမ်းကြောင်းတို့အပြင် ဆီးလမ်းကြောင်းဆိုင်ရာအင်္ဂါတွေနဲ့
မျိုးပွားအင်္ဂါတွေရှိနေတာဖြစ်ပါတယ်
အကြောင်းတစ်စုံတရာကြောင်း
ပြင်းပြင်းထန်ထန်ထိခိုက်မိတဲ့အခါ ရင်ဝမ်းခြားကြွက်သားပြင်
ပေါက်သွားတတ်ပါတယ် ၊ တစ်ခါတလေမှာတော့ မွေးရာပါအတိုင်းင်ဝမ်းခြားကြွက်သားပြင်
ပေါက်နေတာလည်းဖြစ်တတ်ပါတယ်
အဲဒီအခါမှာ
ဝမ်းဗိုက်ပိုင်းမှာရှိနေတဲ့ အသည်း အစာအိမ်နဲ့အူတွေဟာ အဲဒီအပေါက်ကတဆင့် ရင်ခေါင်းထဲကိုတိုးဝင်ရောက်ရှိလာတဲ့အတွက်
ဝေဒနာတွေကိုခံစားလာရပါတော့တယ်.
အဲဒီအခါမှာဗိုက်ခေါင်းနေရာကိုစမ်းကြည့်ရင်
အထဲမှာဘာမှစမ်းလို့မတွေ့တော့တဲ့အပြင် နှလုံးခုန်မမှန်တာ အသက်ရှုမဝတာ
မေ့မြောသွားတာမျိုးတွေဖြစ်လာတတ်ပါတယ် ၊ အစာအိမ်အပါအဝင်
အူလမ်းကြောင်းကိုပါထိခိုက်မိရင်တော့ အော့အန်ခြင်း
ဝမ်းလျှောခြင်းနဲ့ ဗိုက်ခေါင်းအတွင်းမှာ လေတွေပြည့်ဖောင်းလာတာမျိုးဖြစ်တတ်ပါတယ်
မွေးရာပါ ရင်ဝမ်းခြားကြွက်သားပြင်ပေါက်နေတာဆိုရင်တော့ ရောဂါလက္ခဏာတွေချက်ချင်းမပြ
တတ်ပါဘူး အသက်ရှုခက်ခဲခြင်း ဗိုက်ယောင်ခြင်းနဲ့
နှလုံးခုန်မှုအားနည်းခြင်းစတဲ့လက္ခဏာတွေဟာ
တဖြည်းဖြည်းချင်းသာဖြစ်ပေါ်လာတတ်ပါတယ်
ရင်ဝမ်းခြားကြွက်သားပြင်ပေါက်ပြဲခြင်းဟာ ခန္တာကိုယ်ကို ပြင်းပြင်းထန်ထန်ထိခိုက်ခံရလို့
ဖြစ်လာတဲ့ပြသနာတစ်ခု ဖြစ်တာကြောင့် အိမ်လည်တတ်တဲ့ကြောင်တွေနဲ့ လမ်းပေါ်ထွက်တတ် တဲ့ခွေးတွေမှာအဖြစ်များလေ့
ရှိပါတယ်
မွေးရာပါရင်ဝမ်းခြားကြွက်သားပြင်ပေါက်ပြဲခြင်းကတော့ ဘာကြောင့်ဖြစ်ရတယ်ဆိုတာအတိအကျ
မသိနိုင်ကြသေးပါဘူး ၊ ဒါပေမယ့်မျိုးရိုးလိုက်ပြီးအဖြစ်များတတ်တာကိုတော့ လေ့လာမှုတွေအရ သိရှိထားကြပါတယ် ၊ ဟိမဝန္တာကြောင်မျိုးတွေမှာ
အခြားကြောင်မျိုးတွေထက် မွေးရာပါရင်ဝမ်းခြား ကြွက်သားပြင်ပေါက်ပြဲမှု ပိုမိုဖြစ်ပွားလေ့ရှိတယ်လို့ဆိုပါတယ်
ရောဂါလက္ခဏာခံစားနေရတဲ့ခွေးကြောင်တွေမှာ
ရင်ဝမ်းခြားကြွက်သားပြင်ပေါက်ပြဲနေမှုရှိမရှိ သိချင်ရင်တော့ အိပ်စရေးဓာတ်မှန်ရိုက်ကြည့်ရမှာဖြစ်ပါတယ်
၊ အိပ်စရေးဓာတ်မှန်ထဲမှာ ရှင်းရှင်းလင်းလင်း မပေါ်တဲ့အခါမျိုးမှာ
အာလ်ထရာဆောင်းဓာတ်မှန်ရိုက်ကြည့်လေ့ရှိကြပါတယ်
ဓာတ်မှန်ရိုက်ကြည့်ဖို့အခြေအနေမပေးတဲ့အခါ အဆုပ်ထဲမှာအရည်တွေရှိမရှိအပ်နဲ့ဖောက်ပြီးစုပ်ယူကြည့် ခြင်း အားဖြင့် ခန့်မှန်းသိရှိနိုင်ကြပါတယ်
ဒီလိုအခြေအနေမျိုးဖြစ်လာရင်
ခွဲစိပ်ကုသမှသာလျှင် သက်သာပျောက်ကင်းနိုင်မှာဖြစ်ပါတယ် တိုက်မိခိုက်မိလို့ ဝမ်းခြားကြွက်သားပြင်ပေါက်သွားတာဆိုရင်
ခွဲစိပ်ကုသမှုမလုပ်မီ နှလုံးခုန်တာနဲ့ အသက်ရှုတာကိုပုံမှန်ဖြစ်နေအောင်ဦးစွာပြုစုကုသပြီးမှသာ
ခွဲစိပ်ကုသမှုကို ပြုလုပ်ရတာဖြစ်ပါတယ်
မွေးရာပါဖြစ်နေတာဆိုရင်
ကိုယ်တွင်းအင်္ဂါတွေမပျက်စီးသွားမီ ခွဲစိပ်ကုသမှုကို ချက်ချင်းလုပ်သင့်ပါတယ် မခွဲစိပ်မီနှလုံးခုန်မှန်စေတဲ့ဆေးတွေကို
လိုအပ်သလိုအသုံးပြုရပါတယ်
ခွဲစိပ်ကုသပြီးတဲ့အခါမှာ ကိုယ်အပူချိန်အလွန်အမင်းတက်လာတာမျိုးနဲ့
နှလုံးခုန်မမှန်တာမျိုးတွေ ဖြစ်လာတတ်တဲ့အပြင် အဆုပ်ထဲမှာအရည်တွေစုတတ်တဲ့အတွက်
ရက်အတန်ကြာအောင် စောင့်ကြည့်ကုသပေးဖို့ မဖြစ်မနေလိုအပ်ပါသေးတယ်
မွေးရာပါ ရင်ဝမ်းခြားကြွက်သားပြင်ပေါက်ခြင်းမဖြစ်အောင်
ကြိုတင်ကာကွယ်ပေးလို့မရနိုင်ပေမယ့်
မိမိရဲ့ခွေးကြောင်တွေကို
တိုက်မိခိုက်မိပြီးအန္တရာယ်ဖြစ်စေနိုင်တဲ့နေရာမျိုးတွေမှ
ရှောင်စေခြင်းအားဖြင့် ဒီလိုပြသနာမျိုးတွေမှကင်းဝေးစေနိုင်ပါတယ်
